புதுச்சேரியில் 5 மணி நிலவரப்படி 76.3% வாக்குகள் பதிவு

புதுச்சேரியில் பிற்பகல் 5 மணி நிலவரப்படி 76.3 சதவிகித வாக்குகள் பதிவாகியுள்ளது.

புதுவையில் மொத்தமுள்ள 30 தொகுதிகளில் அமைக்கப்பட்டுள்ள 1,558 வாக்குச் சாவடிகளில் இன்று காலை 7 மணி முதல் வாக்குப்பதிவு நடைபெற்று வருகிறது.

இந்தத் தோ்தலில் கரோனா தொற்று பரவல் தடுப்பு நடவடிக்கைக்காக கூடுதல் (606) வாக்குச் சாவடிகள் அமைக்கப்பட்டுள்ளன. அதன்படி, 30 தொகுதிகளில் 635 இடங்களில் மொத்தம் 1,558 வாக்குச் சாவடிகள் அமைக்கப்பட்டுள்ளன.

புதுச்சேரியில் உள்ள அனைத்து வாக்குச்சாவடிகளிலும் அமைதியான முறையில் வாக்குப் பதிவு நடைபெற்று வருகிறது. மாலை 5 மணி நிலவரப்படி 76.3 சதவிகித வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.

வாக்காளர்கள் காலை முதல் வாக்களித்து வந்த நிலையில், பிற்பகல் அதிக அளவிலான மக்கள் வாக்குகளை செலுத்தி வருகின்றனர்.

தொடர்ந்து வாக்கு சதவிகிதம் அதிகரிக்கும் என எதிர்பார்க்கப்படுகிறது. 
கரோனா நோயாளிகள் வாக்களிக்க ஒரு மணி நேரம் வழங்கப்பட்டுள்ளது. 
எனினும் வாக்களிக்கும் மக்களும் 7 மணி வரையும் வாக்களிக்கலாம் என தெரிவிக்கப்பட்டுள்ளது.