தமிழகத்தில் புதிதாக 619 பேருக்கு கரோனா தொற்று

தமிழகத்தில் இன்று மேலும் 619 பேருக்கு கரோனா தொற்று உறுதி செய்யப்பட்டுள்ளது.  

மக்கள் நல்வாழ்வுத் துறைத் தகவல்படி, மாநிலத்தில் இதுவரை 5.71 கோடிக்கும் மேற்பட்ட கரோனா பரிசோதனைகள் மேற்கொள்ளப்பட்டுள்ளன. அதில் 27 லட்சத்து 45,261 பேருக்கு தொற்று உறுதி செய்யப்பட்டுள்ளது.

இன்று வெளியான பரிசோதனை முடிவுகளில் அதிகபட்சமாக சென்னையில் 194 பேருக்கும், கோவையில் 84 பேருக்கும், செங்கல்பட்டில் 59 பேருக்கும் பாதிப்பு கண்டறியப்பட்டுள்ளது. இதனிடையே, மேலும் 638 போ் கரோனாவிலிருந்து விடுபட்டு வீடு திரும்பியுள்ளனா்.

இதையும் படிக்க | மகாராஷ்டிர சட்டப்பேரவையில் இருவருக்கு கரோனா

இதன் மூலம் இதுவரை குணமடைந்தோரின் எண்ணிக்கை 27 லட்சத்து 01,974-ஆக அதிகரித்துள்ளது. மருத்துவமனைகளிலும், வீடுகளிலும் தற்போது மருத்துவக் கண்காணிப்பில் 6,537 போ் உள்ளதாக சுகாதாரத் துறைத் தகவல்கள் தெரிவிக்கின்றன.

தமிழகத்தில் கரோனா பாதிப்புக்குள்ளாகி மேலும் 6 போ் பலியாகியதை அடுத்து நோய்த் தொற்றால் உயிரிழந்தோரின் எண்ணிக்கை 36,750-ஆக அதிகரித்துள்ளது.