விக்கிரவாண்டி தொகுதி இடைத்தேர்தல்: வெற்றியை தக்க வைத்தது திமுக!

விழுப்புரம்: விழுப்புரம் மாவட்டம், விக்கிரவாண்டி சட்டப்பேரவைத் தொகுதி இடைத்தேர்தல் வாக்கு எண்ணிக்கை சனிக்கிழமை காலை 8 மணிக்கு தொடங்கியது. இறுதிச்சுற்று வாக்கு எண்ணிக்கை முடிவில் திமுக வேட்பாளர் அன்னியூர் அ.சிவா 67,169 வாக்குகள் வித்தியாசத்தில் வெற்றியை பெற்றுள்ளார். திமுக தொடர்ந்து வெற்றியை தக்க வைத்துக்கொண்டுள்ளது.

விக்கிரவாண்டி சட்டப்பேரவைத் தொகுதி உறுப்பினராக இருந்த திமுகவைச் சேர்ந்த நா.புகழேந்தி உடல்நலக்குறைவால் உயிரிழந்த நிலையில், அத்தொகுதிக்கு இடைத்தேர்தல் ஜூலை10-ஆம் தேதி நடைபெறும் என்று தேர்தல் ஆணையம் ஜூன் 10-ஆம் தேதி அறிவிப்பை வெளியிட்டது.

ஜூன் 14-ஆம் தேதி முதல் 21 ஆம் தேதி வரை வேட்பு மனுக்கள் பெறப்பட்டு, ஜூலை 26-ஆம் தேதி இறுதி வேட்பாளர் பட்டியல் வெளியிடப்பட்டது. திமுகவின் அன்னியூர் அ.சிவா, பாமகவின் சி.அன்புமணி, நாதகவின் பொ.அபிநயா உள்ளிட்ட 29 பேர் தேர்தலில் போட்டியிட்டனர்.

தொடர்ந்து 15 நாள்களுக்கு மேலாக தீவிரமாக நடைபெற்றதேர்தல் பிரசாரம் ஜூலை 8}ஆம் தேதி நிறைவு பெற்ற நிலையில், ஜூலை 10-ஆம்தேதி வாக்குப்பதிவு நடைபெற்றது. இதற்காக விக்கிரவாண்டி தொகுதி முழுவதும் 276 வாக்குப்பதிவு மையங்கள் அமைக்கப்பட்டிருந்தன. காலை முதலே வாக்குப்பதிவு மையத்துக்கு ஆர்வத்துடன் சென்ற வாக்காளர்கள் தங்களது வாக்கை செலுத்தி, ஜனநாயகக் கடமையை நிறைவேற்றினர்.

1,16,962 ஆண் வாக்காளர்கள், 1,20,040 பெண் வாக்காளர்கள், 29 மூன்றாம் பாலினத்தவர்கள் என மொத்தமாக 2,37,031 வாக்காளர்கள் வாக்களிக்க தகுதி பெற்றிருந்த நிலையில், 95,536 ஆண் வாக்காளர்கள், 99,444 பெண் வாக்காளர்கள், 15 மூன்றாம் பாலினத்தவர்கள் என மொத்தமாக 1,95,495 வாக்காளர்கள் வாக்களித்தனர். இது 82.48 சதவீத வாக்குப்பதிவாகும்.

வாக்குப்பதிவு நடவடிக்கைகள் முடிவடைந்த நிலையில், இதற்காக பயன்படுத்தப்பட்ட 552 வாக்குப்பதிவுக் கருவிகள், 276 கட்டுப்பாட்டுக் கருவிகள், 276 யாருக்கு வாக்களித்தோம் என்பதை உறுதி செய்யும் கருவிகள் ஆகியவற்றுக்கு சீல் வைக்கப்பட்டு, வாக்கு எண்ணிக்கை நடைபெறும் பனையபுரம் அரசு மேல்நிலைப் பள்ளிக்கு கொண்டு வரப்பட்டு, பாதுகாப்பு அறையில் வேட்பாளர்கள், அவர்களது முகவர்கள் முன்னிலையில் சீல் வைக்கப்பட்டது.

20 சுற்றுகளாக நடைபெறும் வாக்கு எண்ணிக்கை: விக்கிரவாண்டி சட்டப்பேரவைத் தொகுதி வாக்கு எண்ணிக்கை சனிக்கிழமை காலை 8 மணிக்குத் தொடங்கியது. முன்னதாக மாவட்டத் தேர்தல் அலுவலரும், ஆட்சியருமான சி.பழனி, தேர்தல் நடத்தும் அலுவலர் மு.சந்திரசேகர் தலைமையில், அரசியல் கட்சிகளின் வேட்பாளர்கள், அவர்களின் முகவர்கள் முன்னிலையில் பாதுகாப்பு அறைக்கு வைக்கப்பட்ட சீல் அகற்றப்பட்டு, அறை திறக்கப்பட்டது. தொடர்ந்து வாக்குப்பதிவு இயந்திரங்கள் வாக்கு எண்ணிக்கை பகுதிக்கு கொண்டு வரப்பட்டன. முன்னதாக விக்கிரவாண்டி வட்டாட்சியரகத்தில் பாதுகாப்பு அறையில் வைக்கப்பட்டிருந்த அஞ்சல் வாக்குகள் கொண்ட பெட்டி எடுக்கப்பட்டு, வாக்கு எண்ணிக்கை மையத்துக்கு கொண்டு வரப்பட்டன.

சனிக்கிழமை காலை 8 மணிக்கு முதலில் அஞ்சல் வாக்குகளைக் கொண்ட பெட்டியின் சீல் உடைக்கப்பட்டு, வாக்குகள் பிரிக்கப்பட்டு, 50 எண்ணிக்கை கொண்டு கட்டுகளாக கட்டப்பட்டு பின்னர் எண்ணப்பட்டன. இந்த பணிகள் முடிந்த பின்னர், மின்னணு வாக்குப்பதிவு இயந்திரங்களில் பதிவான வாக்குகளை எண்ணும் பணி தொடங்கி நடைபெற்று வந்தது.

இதற்காக வாக்கு எண்ணிக்கை மையத்தில் 14 மேஜைகள் அமைக்கப்பட்டுள்ளன. மேஜை ஒன்றுக்கு ஒரு மேற்பார்வையாளர், ஒரு உதவியாளர், ஒரு நுண் பார்வையாளர் பணியில் இருப்பர். அஞ்சல் வாக்கு எண்ணிக்கைக்கு 2 மேஜைகள்அமைக்கப்பட்டுள்ளன. பாதுகாப்பு அறையிலிருந்து வாக்குப்பதிவு இயந்திரங்களைக் கொண்டு செல்லும் பணிக்கு கிராம உதவியாளர்கள், இதர பணிகளுக்காக வட்டாட்சியர்கள், துணை வட்டாட்சியர்கள், இதரப் பணியாளர்கள் என மொத்தமாக150 பேர் வாக்கு எண்ணிக்கைப் பணியில் ஈடுபடுத்தப்பட்டனர்.

பாதுகாப்புப் பணியில் 1,200 போலீஸார்: வாக்கு எண்ணிக்கை நடைபெறும் பனையபுரம் அரசு மேல்நிலைப்பள்ளியில் மின்னணு வாக்குப்பதிவு இயந்திரங்கள் வைக்கப்பட்டுள்ள பாதுகாப்பு அறை உள்ளிட்ட பகுதிகளில் மூன்றடுக்குப் பாதுகாப்புடன்சுழற்சி முறையில் 24 மணி நேரமும் பணியில் இருக்கும் வகையில் 150 போலீஸார் பாதுகாப்புப் பணியில் ஈடுபடுத்தப்பட்டனர்.

இதைத்தவிர பனையபுரம் அரசு மேல்நிலைப் பள்ளியின் வெளி வளாகப் பகுதி, சாலைகள், பிற இடங்கள், விக்கிரவாண்டி நகரப் பகுதிகளில், ரோந்துப் பணிகளில் என பல்வேறு இடங்களில் பாதுகாப்புப் பணியில் 1200 போஸீஸார் ஈடுபட்டிருந்தனர்.

மாவட்ட எஸ்.பி. தீபக் சிவா தலைமையில், 4 ஏ.டி.எஸ்.பி.க்கள், 7 டி.எஸ்.பிக்கள், 28 காவல் ஆய்வாளர்கள், தமிழ்நாடு சிறப்புக் காவல்படையைச் சேர்ந்த 320 வீரர்கள், மத்தியத் தொழில்பாதுகாப்புப் படையைச் சேர்ந்த 16 வீரர்கள், பிற காவலர்கள் என மொத்தமாக 1,200 பேர் பாதுகாப்புப் பணியில் சனிக்கிழமை அதிகாலை முதல் ஈடுபட்டிருந்தனர். இதைத் தவிர ரோந்துப் பணியிலும் காவல்துறையினர் ஈடுபட்டிருந்தனர்.

சுற்றுவாரியான முன்னிலை விவரம்

முதல் சுற்று:

அன்னியூர் சிவா (திமுக): 5,564.

சி. அன்புமணி (பாமக): 2,894

பொ .அபிநயா (நாதக): 303

வித்தியாசம்: 2,670

இரண்டாவது சுற்று

அன்னியூர் சிவா (திமுக): 12,002,

சி. அன்புமணி (பாமக) : 5,904

பொ . அபிநயா (நாதக): 849

நோட்டா: 78

வித்தியாசம்: 6,098

மூன்றாவது சுற்று

அன்னியூர் அ.சிவா (திமுக): 18,057,

சி. அன்புமணி: பாமக - 7,323

பொ . அபிநயா: 1,383

நோட்டா: 120

வித்தியாசம்: 10,734

நான்காவது சுற்று

அன்னியூர் அ.சிவா (திமுக): 24,171

சி. அன்புமணி (பாமக): 8,825

பொ. அபிநயா (நாதக): 1,763

நோட்டா: 155

வித்தியாசம்: 15,346

ஐந்தாவது சுற்று

விக்கிரவாண்டி இடைத்தேர்தலில் 5 சுற்றுகள் வரை 46, 228 வாக்குகள் எண்ணி முடிக்கப்பட்ட நிலையில், திமுக வேட்பாளர் 19, 668 வாக்குகள் வித்தியாசத்தில் முன்னிலையில் உள்ளார்.

அன்னியூர் அ.சிவா (திமுக): 31, 151

சி. அன்புமணி (பாமக): 11, 483

பொ. அபிநயா (நாதக): 2,275

ஆறாவது சுற்று முடிவு

அன்னியூர் அ.சிவா (திமுக): 38.554

சி. அன்புமணி (பாமக): 13, 656

பொ. அபிநயா (நாதக) : 3,178

நோட்டா: 275

வித்தியாசம்: 24,898

ஏழாவது சுற்று முடிவு

அன்னியூர் அ.சிவா (திமுக): 44,780

சி.. அன்புமணி (பாமக): 17, 359

பொ அபிநயா: 3,556

நோட்டா: 311

வித்தியாசம் : 27,421

எட்டாவது சுற்று முடிவு

அன்னியூர் அ.சிவா (திமுக): 51.567

சி . அன்புமணி (பாமக): 19,812

பொ . அபிநயா (நாதக): 4, 187

நோட்டா: 347

வித்தியாசம்: 31, 755

ஒன்பதாவது சுற்று முடிவு

அன்னியூர் அ.சிவா (திமுக): 57,483

சி.அன்புமணி (பாமக): 24,130

பொ . அபிநயா (நாதக): 4, 187.

நோட்டா: 394

வித்தியாசம்: 33,353

பத்தாவது சுற்று முடிவுகள்

அன்னியூர் அ . சிவா (திமுக): 63.205,

சி. அன்புமணி (பாமக): 27,845

பொ.அபிநயா (நாதக): 5265

நோட்டா: 433

வித்தியாசம்: 35, 360

11-ஆவது சுற்று முடிவுகள்

அன்னியூர் அ.சிவா (திமுக): 69, 856

சி. அன்புமணி (பாமக): 30421

பொ.. அபிநயா (நாதக): 5918

நோட்டா: 474

வித்தியாசம்: 39,435

12 - ஆவது சுற்று முடிவுகள்

அன்னியூர் அ.சிவா (திமுக): 76, 693

சி. அன்புமணி (பாமக0: -33053

பொ .அபிநயா (நாதக): 6422

நோட்டா: 517

வித்தியாசம்: 43, 640

13 - ஆவது சுற்று முடிவுகள்

அன்னியூர் அ.சிவா (திமுக): 83431,

சி. அன்புமணி (பாமக): 36, 421

பொ. அபிநயா (நாதக): 6.814

நோட்டா : 573

வித்தியாசம்: 47 190

13 - ஆவது சுற்று முடிவுகள்

அன்னியூர் அ.சிவா (திமுக): 83431,

சி. அன்புமணி (பாமக): 36, 421

பொ. அபிநயா (நாதக): 6.814

நோட்டா : 573

வித்தியாசம்: 47 190

14 - ஆவது சுற்று முடிவுகள்

அன்னியூர் அ.சிவா (திமுக): 88,977

சி. அன்புமணி (பாமக): 38,975

பொ.. அபிநயா (நாதக): 7,275

நோட்டா: 625

வித்தியாசம்: 50,002

15- ஆவது சுற்று முடிவுகள்

அன்னியூர் அ.சிவா (திமுக): 94, 992

சி. அன்புமணி (பாமக): 43, 167

பொ. அபிநயா (நாதக): 7,699

நோட்டா : 685

வித்தியாசம்: 51, 825

16 ஆவது சுற்றுகள் முடிவு

அன்னியூர் அ.சிவா (திமுக) - 1,00,177

சி.அன்புமணி (பாமக) - 45, 768

பொ : அபிநயா (நாதக) - 8226

நோட்டா - 704

வித்தியாசம் : 54,409

17- ஆவது சுற்று முடிவுகள்

அன்னியூர் அ.சிவா (திமுக) - 1, 06, 908

சி. அன்புமணி (பாமக) - 48, 123

பொ. அபிநயா (நாதக) - 9094

நோட்டா - 757

வித்தியாசம் - 58, 785

18- ஆவது சுற்று முடிவுகள்

அன்னியூர் அ.சிவா (திமுக) - 113671

சி. அன்புமணி (பாமக) - 50454

பொ. அபிநயா (நாதக) - 9740

நோட்டா- 794

வித்தியாசம் - 63, 217

19-ஆவது சுற்று முடிவுகள்

அன்னியூர் அ.சிவா (திமுக): 1, 18,637

சி. அன்புமணி (பாமக): 53438

பொ. அபிநயா (நாதக): 10, 130

நோட்டா: 814

வித்தியாசம் - 65, 199

20-ஆவது சுற்று முடிவுகள்

அன்னியூர் அ.சிவா(திமுக): 1, 23, 195

சி. அன்புமணி (பாமக) : 56,026,

பொ . அபிநயா: 10.479

நோட்டா- 852

வித்தியாசம்: 67,169

இறுதிச்சுற்று வாக்கு எண்ணிக்கை முடிவில் அந்த கட்சியை சேர்ந்த வேட்பாளர் அன்னியூர் சிவா 1, 23, 195 வாக்குகளை பெற்று 67,169 வாக்குகள் வித்தியாசத்தில் வெற்றி பெற்றார். இதையடுத்து விக்கிரவாண்டி தொகுதியில் திமுக வெற்றியை தக்க வைத்துக்கொண்டுள்ளது. பாமக வேட்பாளர் சி. அன்புமணி 56,243 வாக்குகளை பெற்று டெபாசிட்டை தக்க வைத்துக் கொண்டார். 10,832 வாக்குகள் பெற்ற நாம் தமிழர் கட்சி வேட்பாளர் உள்பட 27 பேர் டெபாசிட் இழந்துள்ளனர்.