மேற்கு வங்கத்தில் மத்திய அமைச்சர்களுக்கு பின்னடைவு

மக்களவைத் தேர்தலில் வாக்கு எண்ணிக்கையில் மேற்கு வங்கத்தைச் சேர்ந்த மூன்று மத்திய அமைச்சர்களில் 7000-க்கும் மேற்பட்ட வாக்குகள் வித்தியாசத்தில் இருவர் பின்தங்கியுள்ளனர்.

பாங்குரா தொகுதியில் பாஜக வேட்பாளரான மத்திய கல்வித்துறை இணை அமைச்சர் சுபாஸ் சர்க்கார், 14,932 வாக்குகள் வித்தியாசத்தில் திரிணமூல் காங்கிரஸின் அருப் சக்ரவர்த்தியைவிட பின்தங்கியுள்ளார்.

கூச் பெஹார் தொகுதியில் மத்திய உள்துறை இணையமைச்சரான பாஜகவின் நிசித் பிரமாணிக், திரிணமூல் காங்கிரஸ் கட்சியின் ஜெகதீஷ் சந்திர பர்மா பசுனியாவைவிட 7,339 வாக்குகள் வித்தியாசத்தில் பின்தங்கி உள்ளார்.

பாங்கானில் பாஜக வேட்பாளரான மத்திய இணை அமைச்சர் சாந்தனு தாக்குர், இத்தொகுதியில் திரிணமூல் காங்கிரஸ் கட்சியின் பிஸ்வஜித் தாஸைவிட 34,464 வாக்குகள் வித்தியாசத்தில் முன்னிலையில் உள்ளார்.