மைசூர் மன்னர் யதுவீர் கிருஷ்ணதத்தா வெற்றி

பாஜக சார்பில் போட்டியிட்ட மைசூர் அரச குடும்பத்தின் வாரிசு யதுவீர் கிருஷ்ணதத்தா சாமராஜ உடையார் மற்றும் பாஜகவைச் சேர்ந்த முன்னாள் அமைச்சர் கோட்டா ஸ்ரீனிவாஸ் பூஜாரி, கே.சுதாகர் ஆகியோர் கர்நாடகாவில் வெற்றி பெற்றுள்ளனர்.

மைசூர் மக்களவைத் தொகுதியில் போட்டியிட்ட மைசூர் மன்னர் யதுவீர் கிருஷ்ணதத்தா சாமராஜ உடையார் 1,39,262 வாக்குகள் வித்தியாசத்தில் வெற்றி பெற்றார்.

பாஜக சார்பில் போட்டியிட்ட யதுவீர் கிருஷ்ணதத்தாவுக்கு 7,95,503 வாக்குகளும், காங்கிரஸின் எம்.லட்சுமணனுக்கு 6,56,241 வாக்குகளும் கிடைத்தன.

கர்நாடக சட்டப்பேரவையின் எதிர்க்கட்சித் தலைவராக இருக்கும் கோட்டா ஸ்ரீனிவாஸ் பூஜாரி, உடுப்பி-சிக்மகளூர் தொகுதியில் 2,59,175 வாக்குகள் வித்தியாசத்தில் வெற்றி பெற்றுள்ளார்.

முந்தைய பாஜக அரசில் அமைச்சராக இருந்த கோட்டா ஸ்ரீனிவாஸ் பூஜாரிக்கு 7,32,234 வாக்குகளும், அவரை எதிர்த்துப் போட்டியிட்ட காங்கிரஸின் ஜெயப்பிரகாஷ் ஹெக்டேவுக்கு 4,73,059 வாக்குகளும் கிடைத்தன.

சிக்கபள்ளாப்பூர் மக்களவைத் தொகுதியில் போட்டியிட்ட சுதாகர் 1,63,460 வாக்குகள் வித்தியாசத்தில் வெற்றி பெற்றார்.

பாஜகவைச் சேர்ந்த சுதாகருக்கு 8,22,619 வாக்குகளும், அவரை எதிர்த்துப் போட்டியிட்ட காங்கிரஸின் ரக்ஷா ராமையாவுக்கு 6,59,159 வாக்குகளும் கிடைத்தன.