இன்று அட்சய திருதியை: தங்கம் விலை ரூ.720 உயர்வு!

மே மாத தொடக்கம் முதல் தங்கம் விலை ஏற்ற இறக்கத்துடன் காணப்படுகிறது

சென்னையில் ஆபரணத் தங்கம் புதன்கிழமை ஒரு கிராம் ரூ. 6,630-க்கும், ஒரு சவரன் ரூ. 53,040-க்கும் விற்பனையானது. நேற்று (மே 9), வியாழக்கிழமை ஆபரணத் தங்கத்தின் விலை கிராமுக்கு ரூ.15 குறைந்து ரூ.6,615-க்கும், சவரனுக்கு ரூ. 120 குறைந்து ரூ. 52,920-க்கும் விற்பனையானது.

இந்த நிலையில், அட்சய திருதியை முன்னிட்டு இன்று(மே 10) தங்கம் விலை சவரனுக்கு ரூ. 720 உயர்ந்துள்ளது. அட்சய திருதியை என்பதால் சென்னையில் ஆபரணத் தங்கத்தின் விலை இன்று காலையில் இருமுறை உயர்ந்துள்ளது.

சென்னையில் இன்று தங்கத்தின் விலை ரூ. 720 உயர்ந்து ரூ. 53,640-க்கு விற்பனை செய்யப்படுகிறது. கிராமுக்கு ரூ. 90 உயர்ந்து ரூ.6,705-க்கு விற்பனையாகிறது.

வெள்ளி விலை கிராமுக்கு ரூ. 1.30 அதிகரித்து ரூ.90-க்கும், ஒரு கிலோ (கட்டி வெள்ளி) ரூ. 1300 அதிகரித்து ரூ.90,000-க்கும் விற்பனை செய்யப்படுகிறது.

அட்சய திருதியை நாளையொட்டி, நகை வாங்குவதற்கு மக்கள், காலை முதலே நகை கடைகளில் குவிந்து வருகின்றனர்.