தங்கம் விலை அதிரடி குறைவு!

சென்னையில் இன்று(நவ. 1) ஆபரணத் தங்கத்தின் விலை அதிரடியாக சவரனுக்கு ரூ. 560 குறைந்து ரூ. 59,080-க்கு விற்பனை செய்யப்படுகிறது.

கடந்த வார இறுதியில் இருந்து தொடர்ந்து அதிகரித்தவந்த தங்கத்தின் விலை நேற்று (அக். 31), சவரனுக்கு ரூ. 520 அதிகரித்து ஒரு சவரன் ரூ. 59,640-க்கும், ஒரு கிராம் ரூ. 7,455-க்கும் விற்பனை செய்யப்பட்டது.

இதையும் படிக்க: சாலை விபத்தில் பலியான பெண் எஸ்.ஐ. குடும்பத்துக்கு ரூ.25 லட்சம் நிதி!

அதிரடியாக குறைந்த தங்கம்

தங்கத்தின் விலை இன்றைய நிலவரப்படி, சவரனுக்கு ரூ. 560 குறைந்து ரூ. 59,080-க்கும், கிராமுக்கு ரூ. 70 குறைந்து ரூ. 7,385-க்கும் விற்பனை செய்யப்படுகிறது.

வெள்ளியின் விலையும் குறைவு

சென்னையில் கடந்த 2 நாள்களாக வெள்ளியின் விலை மாற்றமின்றி விற்கப்பட்ட நிலையில், இன்று கிராமுக்கு ரூ. 3 குறைந்து ஒரு கிராம் வெள்ளி ரூ. 106-க்கும், ஒரு கிலோ கட்டி வெள்ளி ரூ. 1,06,000-க்கும் விற்பனையாகிறது.