தங்கம் விலை குறைவு: இன்றைய நிலவரம்!

சென்னையில் ஆபரணத் தங்கத்தின் விலை சவரனுக்கு ரூ. 120 குறைந்துள்ளது.

சென்னையில் ஆபரணத் தங்கம் இன்று செவ்வாய்க்கிழமை சவரனுக்கு ரூ. 120 குறைந்து ரூ. 54,920-க்கு விற்பனையாகிறது. ஒரு கிராம் தங்கத்தின் விலை ரூ. 15 குறைந்து ரூ. 6,865-க்கு விற்பனை செய்யப்படுகிறது.

அதேபோல், வெள்ளி கிராமுக்கு ரூ. 1 குறைந்து ரூ.97-க்கும், கட்டி வெள்ளி (ஒரு கிலோ) ரூ.1,000 குறைந்து ரூ.97,000-க்கும் விற்பனையாகிறது.

பெட்ரோல், டீசல் விலையைக் குறைக்காத பாஜகவை தோ்தலில் தோற்கடிக்க வேண்டும்: காா்கே

தங்கத்தின் மீது முதலீடு செய்வது அதிகரித்துள்ளதால் தங்கம் விலை அதிகரித்து வருவதாகக் கூறப்படுகிறது. நேற்று(செப். 15) தங்கத்தின் விலை ரூ.55,000ஐ கடந்து விற்பனையான நிலையில் இன்று சற்று குறைந்துள்ளது.

கடந்த சில நாள்களாக ஆபரணத் தங்கத்தின் விலை ஏற்ற, இறக்கமாக இருந்து வருவது குறிப்பிடத்தக்கது.