இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

பச்சிளம் குழந்தைகளின் எலும்புகளை உடைத்த கொடூர நர்ஸ் கைது!

அமெரிக்காவில் பச்சிளம் குழந்தைகளின் எலும்புகளை உடைத்த செவிலியர் கைது செய்யப்பட்டதைப் பற்றி...

பச்சிளம் குழந்தைகளின் எலும்புகளை உடைத்த எரின் எலிசபெத் அன் ஸ்ட்ரோட்மான்

Updated On :

அமெரிக்காவின் விர்ஜீனியா மாகாணத்திலுள்ள ஹென்ரிக்கோ டாக்டர்ஸ் மருத்துவமனையில் 3 பச்சிளம் குழந்தைகளின் எலும்புகளை உடைத்த கொடூர நர்ஸ் கைது செய்யப்பட்டுள்ளார்.

கடந்த 2023 ஆம் ஆண்டு துவக்கத்தில் அந்த மருத்துவமனையின் பச்சிளங் குழந்தைகளுக்கான தீவிர சிகிச்சை பிரிவில் அனுமதிக்கப்பட்ட 4 குழந்தைகளின் உடல்களில் மர்மமான முறையில் எழும்பு முறிவுகள் ஏற்பட்டிருந்தன.

அதற்கான காரணங்கள் என்னவென்று தெரியாமல் இருந்த நிலையில், கடந்த 2024 ஆம் ஆண்டின் நவம்பர் மற்றும் டிசம்பர் மாதங்களில் மேலும் 3 குழந்தைகளுக்கு அதேப்போல் உடலில் சில எலும்புகள் முறிந்திருந்தன.

இதனைத் தொடர்ந்து, கடந்த டிச.25 அன்று இந்த குற்றச்செயலில் ஈடுபட்டது யாரென்று கண்டுபிடிக்கும் வரையில் அந்த பிரிவில் வேறு எந்த குழந்தையும் அனுமதிக்கப்படாது என மருத்துவமனை நிர்வாகம் அறிவித்திருந்தது.

இந்நிலையில், மருத்துவமனை நிர்வாகம் மேற்கொண்ட விசாரணையில் நவம்பர் மாதம் 3 குழந்தைகள் மீது இந்த தாக்குதலை நடத்தியதாக அங்கு பணிப்புரியும் செவிலியரான எரின் எலிசபெத் அன் ஸ்ட்ரோட்மான் (வயது 26) என்பவர் மீது சந்தேகம் எழுந்தது.

பின்னர், அந்நிர்வாகம் தரப்பில் அவர் மீது அந்நாட்டு காவல் துறையில் புகார் அளிக்கப்பட்டது. அந்த புகாரின் அடிப்படையில் அவர்கள் எலிசபத்திடம் மேற்கொண்ட விசாரணையில் 2024 நவம்பர் மாதம் 3 குழந்தைகளின் எழும்புகளை உடைத்தது அவர்தான் என்பது உறுதிசெய்யப்பட்டு அவர் கைது செய்யப்பட்டார். அவர் மீது திட்டமிட்டு குழந்தைகள் மீது தாக்குதல் நடத்தியதற்காக வழக்குப்பதிவு செய்யப்பட்டுள்ளது.

மேலும், அங்குள்ள சிசிடிவி காட்சிகளை கைப்பற்றி அவர் அந்த மருத்துவமனையில் வேறு ஏதேனும் குற்றச் செயல்களில் ஈடுபட்டுள்ளாரா என்று விசாரணை நடத்தி வருகின்றனர்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.