திருமலை திருப்பதி தேவஸ்தானத்திற்கு ரூ. 1.01 கோடி நன்கொடை

திருப்பதி: திருமலை திருப்பதி தேவஸ்தானத்திற்கு சொந்தமான ஸ்ரீ வெங்கடேஸ்வர பிராணதனா அறக்கட்டளைக்கு விசாகப்பட்டினத்தைச் சோ்ந்த தேவி ஃபிஷரீஸ் நிறுவனம் ரூ. 1,01,25,000 நன்கொடையாக வழங்கியுள்ளது.

விசாகப்பட்டினத்தைச் சோ்ந்த தனியார் நிறுவனமான தேவி ஃபிஷரீஸ் நிறுவனம், ஞாயிற்றுக்கிழமை திருமலை திருப்பதி தேவஸ்தானத்திற்கு சொந்தமான ஸ்ரீ வெங்கடேஸ்வர பிராணதனா அறக்கட்டளைக்கு ரூ. 1,01,25,000 நன்கொடையாக வழங்கியது.

இதற்காக, தேவி ஃபிஷரீஸ் நிறுவனத்தின் இயக்குநர்கள் இந்திரநீல் சித்தூரி மற்றும் மகேந்திர யாா்லகட்டா ஆகியோா், திருமலையில் உள்ள திருமலை திருப்பதி தேவஸ்தானத்தின் நிர்வாகி ராமகிருஷ்ணாவிடம் ரூ. 1,01,25,000 நன்கொடைக்கான வரைவோலையை வழங்கினா்.

2021 ஆம் ஆண்டு நிறுவப்பட்ட ஸ்ரீ வெங்கடேஸ்வர பிராணதனா அறக்கட்டளை, உயிருக்கு ஆபத்தான நோய்களால் பாதிக்கப்பட்ட ஏழை நோயாளிகளுக்கு இலவச மருத்துவ வசதிகள் வழங்குவதை நோக்கமாகக் கொண்டு செயல்பட்டு வருவது குறிப்பிடத்தக்கது.