செய்தி மடல்
இ-பேப்பர்
/
வெரைட்டி கீரை போண்டா
தேவையான பொருட்கள் :
சர்க்கரை வள்ளிக்கிழங்கு - 1
அரிசி மாவு - ஒரு கிண்ணம்
சோயா மாவு - 2 தேக்கரண்டி
கடலை மாவு - 2 தேக்கரண்டி
பொடியாக நறுக்கிய வெந்தயக்கீரை,
முளைக்கீரை - தலா ஒரு கிண்ணம்
பொடியாக நறுக்கிய முள்ளங்கி கீரை,
புதினா - தலா ஒரு கைப்பிடி
கறிவேப்பிலை - சிறிதளவு
பொடியாக நறுக்கிய - பச்சை மிளகாய்
பூண்டு பேஸ்ட், மிளகுத்தூள் - தலா ஒரு தேக்கரண்டி
உப்பு, எண்ணெய் - தேவையான அளவு.
செய்முறை:
சர்க்கரை வள்ளிக்கிழங்கை வேக வைத்து தோல் உரிக்கவும். கடாயில் எண்ணெய் விட்டு, காய்ந்தும், நறுக்கிய வெந்தயக்கீரை, முளைக்கீரை, புதினா, கறிவேப்பிலை, முள்ளங்கி இலை, பச்சை மிளகாய், பூண்டு பேஸ்ட், மிளகுத்தூள் எல்லாவற்றையும் சேர்த்து உப்பு போட்டு வதக்கவும். இதனுடன் வேக வைத்த சர்க்கரை வள்ளிக்கிழங்கினை சேர்த்துப் பிசைந்து பெரிய நெல்லிக்காய் அளவு உருண்டைகளாக உருட்டிக் கொள்ளவும். அரிசி மாவு, கடலை மாவு, சோயா மாவு சேர்த்து சிறிது உப்பு போட்டு, தண்ணீர் விட்டு கெட்டியாகக் கரைத்துக் கொள்ளவும். இதில் உருண்டைகளைத் தோய்த்து எடுத்து, காயும் எண்ணெயில் போட்டு பொரித்து எடுக்கவும். இப்போது சூடான வெரைட்டி கீரை போண்டா தயார். வெரைட்டி கீரை போண்டாவோடு தேங்காய்ச் சட்னி சேர்த்து சாப்பிட கூடுல் சுவையாக இருக்கும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
