எளிய கைவைத்தியம்!

சிறு சிறு உடல் நலக் கோளாறுகளுக்கு எல்லாம் மருத்துவர்களை நாடாமல் வீட்டிலேயே கைவைத்தியம் மூலம் குணப்படுத்திக்கொள்ளும் முறையை நம் முன்னோர்கள் பல காலமாக பின்பற்றி வந்தனர். அவற்றில் சில..

விரலி மஞ்சளின் நுனியை நெருப்பில் வாட்டி, வெளிவரும் புகையினை நுகருவதன் மூலம் மூக்கடைப்பிலிருந்து விடுபடலாம். 

தலா 100கிராம் சுக்கு மற்றும் வெல்லத்தினை நன்கு பொடித்து, ஒன்றாகக் கலந்து சிறு சிறு உருண்டைகளாகப் பிடித்து, தினம் ஒரு உருண்டை சாப்பிட்டால் வாயு, அஜீரணம் போன்ற தொல்லைகள் கட்டுப்படும்.

பத்துமிளகுடன் உப்பு சேர்த்து அரைத்து நெற்றியில் பற்று போட்டால் தாங்க முடியாத தலைவலி சட்டென பறந்துவிடும்.

உப்பு, கடுக்காய், சீரகம் மூன்றையும் பொடித்து, அப்பொடியில் பல்துலக்கி வர ஈறுகளில் ரத்தம் கசிவது நிற்கும்.