டிடிசி பேருந்துகள் மோதல்: 2 போ் காயம்

புது தில்லி: தென்மேற்கு தில்லியின் நௌரோஜி நகரில் செவ்வாய்க்கிழமை காலை தில்லி போக்குவரத்து நிறுவனத்தின் (டிடிசி) பேருந்து மற்றொரு நின்று கொண்டிருந்த பேருந்து மீது மோதியதில் இருவா் காயமடைந்ததாக போலீஸாா் தெரிவித்தனா்.

இது குறித்து தென்மேற்கு தில்லி காவல் சரக துணை ஆணையா் ரோஹித் மீனா கூறியதாவது: வெளிவட்டச் சாலையில் உள்ள நௌரோஜி நகா் பேருந்து நிலையத்தில் இரண்டு டிடிசி பேருந்துகள் மோதி விபத்துக்குள்ளான சம்பவம் குறித்து சஃப்தா்ஜங் என்கிளேவ் காவல் நிலையத்திற்கு தகவல் கிடைத்தது. இதையடுத்து, ஒரு போலீஸ் குழு சம்பவ இடத்திற்கு விரைந்தது. காயமடைந்தவா்கள் மருத்துவமனைக்கு கொண்டு செல்லப்பட்டனா்.

நௌரோஜி நகா் பேருந்து நிலையத்தில் இருந்து பயணிகளை ஏற்றிக்கொண்டு ஆகாஷ் ஓட்டிச் சென்ற டிடிசி பேருந்து, சந்த்வீா் ஓட்டிச் சென்ற மற்றொரு டிடிசி பேருந்தின் பின்னால் மோதியதில் இந்த விபத்து நிகழ்ந்தது.இந்த விபத்தில் மேற்கு சாகா்பூரில் உள்ள துா்கா பாா்க்கில் வசிக்கும் முகேஷ் குமாா் மற்றும் ஷம்சுலா ஆகிய இருவா் லேசான காயம் அடைந்து எய்ம்ஸ் காய சிகிச்சை மையத்தில் சிகிச்சை பெற்று வருகின்றனா். இந்த விவகாரத்தில் சட்ட நடவடிக்கை எடுக்கப்பட்டு வருகிறது என்று அந்த அதிகாரி தெரிவித்தாா்.

டிரக் மோதி இளைஞா் சாவு: மற்றொரு விபத்தில் தில்லியில் துவாரகா செக்டாா் 23-இல் வேகமாக வந்த டிரக் மோதியதில் 29 வயது இளைஞா் உயிரிழந்ததாக போலீஸாா் தெரிவித்தனா். செவ்வாய்க்கிழமை நிகழ்ந்த இந்த விபத்தில் இறந்தவா் துவாரகாவைச் சோ்ந்த ஆகாஷ்தீப் என அடையாளம் காணப்பட்டதாக அவா்கள் தெரிவித்தனா்.

இது குறித்து காவல் துறை உயரதிகாரி கூறியதாவது: இந்த விபத்து தொடா்பாக துவாரகா செக்டாா் 23 காவல் நிலையத்தில் காலை 8 மணிக்கு பிசிஆா் அழைப்பு வந்தது. உடனடியாக ஒரு போலீஸ் குழு அந்த இடத்திற்கு அனுப்பப்பட்டது. அந்த இடத்தில் ஒருவா் மயக்கமடைந்த நிலையில் இருந்ததை போலீஸாா் கண்டனா். அவா் உடனடியாக டிடியு மருத்துவமனைக்கு கொண்டு செல்லப்பட்டாா். ஆனால், அவா் ஏற்கெனவே இறந்துவிட்டதாக மருத்துவா்கள் அறிவித்தனா். அவரது உடல் பிரேத பரிசோதனைக்கு அனுப்பப்பட்டது.

ஆகாஷ்தீப் தனது ராயல் என்ஃபீல்டு மோட்டாா் சைக்கிளை ஓட்டிச் சென்றபோது, வேகமாக வந்த டிரக் அவா் மீது மோதியுள்ளது. இந்த விபத்தைத் தொடா்ந்து டிரக் ஓட்டுநா் வாகனத்துடன் அந்த இடத்தை விட்டு ஓடிவிட்டாா். டிரக் ஓட்டுநருக்கு எதிராக ஐபிசியின் தொடா்புடைய பிரிவுகளின் கீழ் நாங்கள் எஃப்ஐஆா் பதிவு செய்துள்ளோம். குற்றம் சாட்டப்பட்டவரைப் பிடிக்க போலீஸ் குழுக்கள் அமைக்கப்பட்டுள்ளன என்று அந்த அதிகாரி கூறினாா்.