எத்தனால் தொழில்நுட்பமும், அதன் புரட்சியும்

எத்தனால் தொழில்நுட்பமும், அதன் புரட்சியும் - முனைவர் ரவி சீனிவாசன்; பக்.370; ரூ.500; கொங்கு மண்டல ஆய்வு மையம், உடுமலைப் பேட்டை, ✆ 94988 64562; 

சர்க்கரையை நொதிக்கச் செய்தும், பெட்ரோ வேதியியல் முறையிலும் உற்பத்தி செய்யப்படும் எத்தனால் எனும் வேதிப் பொருளை விரிவாகவும், தெளிவாகவும் அறிந்து கொள்ள உதவுகிறது இந்நூல்.

போதை பானங்களுக்கான சேர்மமாக பரவலாக அறியப்பட்ட எத்தனால், மனித சமூகத்துக்கு பல நேரங்களில் ஆக்கபூர்வமாக பயன்படுகிறது என்ற உண்மை எடுத்துரைக்கப்பட்டுள்ளது. கிருமிநாசினியாக மட்டுமல்லாது வைரஸ், பூஞ்சைகளை அழிக்கும் அருமருந்தாகவும், எரிபொருளாகவும் உள்ள அந்த வேதிப் பொருளின் அனைத்து ரசாயன மாற்றங்களையும் விரிவாகக் கூறியிருக்
கிறார் நூலாசிரியர்.

எத்தனால் எப்படி உருவாக்கப்படுகிறது, அதற்கான நுட்பங்கள் என்னென்ன, அதிலுள்ள சவால்கள், வேதி மாற்றங்கள், மதிப்புக் கூட்டப்பட்ட பொருள்கள், சந்தை மதிப்பு, சர்வதேச அரசியல் என அனைத்து விஷயங்களும் அலசப்பட்டுள்ளன.

வேதி சமன்பாடுகளும்,  மூலக்கூறு வாய்ப்பாடுகளும் அநேக பக்கங்களை ஆக்கிரமித்திருந்தாலும், அவை யாவும் இந்நூலுக்கு அச்சாரமாக இருப்பதை மறுப்பதற்கில்லை.

வேதியியல் மற்றும் ரசாயன நுட்பங்களை அறிந்து கொள்ள விரும்புபவர்களுக்கும், மாணவர்களுக்கும், அறிவியல் ஆர்வலர்களுக்கும் இந்நூல் சிறந்த கையேடாக இருக்கும்.