காஞ்சிவாக்கம் முத்துமாரியம்மன் கோயிலில் தீ மிதித் திருவிழாஸ்ரீபெரும்புதூர், ஆக .6: காஞ்சிவாக்கம் முத்துமாரியம்மன் கோயியின் 26ஆம் ஆண்டு தீ மிதித் திருவிழா கடந்த ஞாயிற்றுக்கிழமை இரவு நடைபெற்றது.குன்றத்தூர் ஒன்றியம் காஞ்சிவாக்கம் பகுதியில் முத்துமாரியம்மன் கோயில் உள்ளது. இக்கோயிலில் 26ஆம் ஆண்டு தீ மிதித் திருவிழா கடந்த ஞாயிற்றுக்கிழமை நடைபெற்றது. இவ்விழாவையொட்டி, கடந்த வெள்ளிக்கிழமை விளக்கு பூஜையும், அம்மனுக்கு சந்தனக்காப்பு அலங்காரமும் நடைபெற்றது. இதையடுத்து சனி

காஞ்சிவாக்கம் முத்துமாரியம்மன் கோயியின் 26ஆம் ஆண்டு தீ மிதித் திருவிழா கடந்த ஞாயிற்றுக்கிழமை இரவு நடைபெற்றது.
குன்றத்தூர் ஒன்றியம் காஞ்சிவாக்கம் பகுதியில் முத்துமாரியம்மன் கோயில் உள்ளது. இக்கோயிலில் 26ஆம் ஆண்டு தீ மிதித் திருவிழா கடந்த ஞாயிற்றுக்கிழமை நடைபெற்றது. இவ்விழாவையொட்டி, கடந்த வெள்ளிக்கிழமை விளக்கு பூஜையும், அம்மனுக்கு சந்தனக்காப்பு அலங்காரமும் நடைபெற்றது. 
இதையடுத்து சனிக்கிழமை அம்மன் திருவீதி உலாவும், பதி பூஜையும் நடைபெற்றன. ஞாயிற்றுக்கிழமை காலை கரகம் சுற்றுதல், கூழ்வார்த்தல் நடைபெற்றது. இதையடுத்து இரவு தீ மிதித் திருவிழா நடத்தப்பட்டது. இதில் மாலை அணிந்து 200-க்கும் மேற்பட்டோர் தீமிதித்து தங்களது நேர்த்திக்கடனை செலுத்தினர். அதைத் தொடர்ந்து வாண வேடிக்கை நிகழ்ச்சி நடத்தப்பட்டது. 
பக்தர்களுக்கு அன்னதானம் செய்யப்பட்டது. விழாவில் ஏராளமான பக்தர்கள் அலகு குத்தியும், தீச்சட்டி ஏந்தியும் தங்களது நேர்த்திக்கடனை செலுத்தினர். 
விழாவில் காஞ்சிவாக்கம் மற்றும் அதைச் சுற்றியுள்ள கிராமங்களைச் சேர்ந்த நூற்றுக்கணக்கான பொதுமக்கள் கலந்து கொண்டனர். விழா ஏற்பாடுகளை விழாக் குழு உறுப்பினர் பனப்பாக்கம் ரவி தலைமையிலான குழுவினர் செய்திருந்தனர்.
இதேபோல், ஆடிக் கிருத்திகையை முன்னிட்டு வல்லக்கோட்டை வள்ளி தெய்வசேனா சமேத சுப்பிரமணிய சுவாமி கோயிலில் கடந்த ஞாயிற்றுக்கிழமை இரவு திருவீதி உலா நடைபெற்றது. இதில் உற்சவர் சிறப்பு அலங்காரத்தில் திருவீதியுலா வந்து பக்தர்களுக்கு காட்சியளித்தார்.