வேளாங்கண்ணி ஆரோக்கியமாதா பேராலயத்தில் இன்று பெரிய தேர்பவனி!

நாகை மாவட்டம் வேளாங்கண்ணியில் உள்ள புனித ஆரோக்கியமாதா பேராலயத்தில் பெரிய தேர்பவனி இன்று நடைபெறுகிறது. 

வேளாங்கண்ணி ஆரோக்கிய மாதாவின் பிறந்த நாளான செப்டம்பர் 8-ம் தேதி ஒவ்வொரு ஆண்டும் வேளாங்கண்ணி பேராலயத்தில் 11 நாட்கள் திருவிழா விமரிசையாகக் கொண்டாடப்படுகிறது. 

அதன்படி, இந்தாண்டுக்கான திருவிழா கடந்த 29-ம் தேதி கொடியேற்றத்துடன் கோலாகலமாகத் தொடங்கியது. சிறிய தேர்பவனியை அடுத்து, விழாவின் முக்கிய நிகழ்வான ஆரோக்கிய மாதாவின் பெரிய தேர் பவனி இன்று (வெள்ளிக்கிழமை) இரவு 7.30 மணிக்கு நடைபெறுகிறது. இந்த தேர்பவனி விழாவில் லட்சக்கணக்கான பக்தர்கள் கலந்துகொள்வார்கள் என்று எதிர்பார்க்கப்படுகிறது. 

நாளை ஆரோக்கிய அன்னையின் பிறந்தநாள் விழா விமரிசையாக கொண்டாடப்படுகிறது.