திருமலையில் ஆந்திர அமைச்சர் லோகேஷ் வழிபாடு

திருமலையில் ஆந்திர முதல்வர் சந்திரபாபு நாயுடுவின் மகனும், மாநில அமைச்சருமான நாரா லோகேஷ் திங்கள்கிழமை காலை குடும்பத்துடன் சுவாமி தரிசனம் செய்தார்.
ஆந்திர முதல்வர் குடும்பத்தினர் தங்களின் சொந்த கிராமத்தில் பொங்கல் பண்டிகையைக் கொண்டாடுவது வழக்கம். அதன்படி அவர்களின் குடும்பத்தினரும், நாரா லோகேஷ், அவரது மனைவி பிராமணி, மகன் தேவான்ஷ் ஆகியோர் திருப்பதியை அடுத்த நாரவாரிபள்ளியில் உள்ள வீட்டுக்கு வந்தனர்.
திங்கள்கிழமை காலையில் போகிப் பண்டிகையைக் கொண்டாடிய பின், அமைச்சர் லோகேஷ் தன் குடும்பத்தினருடனும், ஆந்திர அமைச்சர்கள் சிலருடனும் காலை விஐபி பிரேக் தரிசனத்தில் ஏழுமலையானை தரிசித்தார். அவருக்கு தேவஸ்தான செயல் இணை அதிகாரி சீனிவாசராஜு சிறப்பு பிரசாதங்களையும், சுவாமி படத்தையும் வழங்கினார்.