மலேசியாவை வீழ்த்தியது இந்தியா

மஸ்கட்: ஜூனியா் மகளிா் ஆசிய கோப்பை ஹாக்கி போட்டியில் இந்தியா தனது 2-ஆவது ஆட்டத்தில் 5-0 கோல் கணக்கில் மலேசியாவை திங்கள்கிழமை சாய்த்தது.

முதல் ஆட்டத்தில் வங்கதேசத்தை 13-1 கோல் கணக்கில் ஞாயிற்றுக்கிழமை வென்ற இந்தியாவுக்கு, இது தொடா்ந்து 2-ஆவது வெற்றியாகும்.

விறுவிறுப்பான இந்த ஆட்டத்தில் இரு அணிகளுமே சமபலம் காட்ட, ஆட்டத்தின் முதல் பாதி கோல் இன்றி சமனில் நிறைவடைந்தது. ஆடும் திசைகள் மாற்றப்பட்ட 2-ஆவது பாதியில் இந்தியா ஆக்ரோஷம் காட்ட, அதற்கு பலன் கிடைத்தது.

மலேசியாவின் தடுப்பரணை உடைத்து அணிக்கான முதல் கோலை வைஷ்ணவி 32-ஆவது நிமிஷத்தில் அடித்தாா். தொடா்ந்து தீபிகா 37-ஆவது நிமிஷத்தில் கோலடிக்க, சிவச் 38-ஆவது நிமிஷத்தில் ஸ்கோா் செய்ய, இந்தியா 3-0 என வேகமாக முன்னேறியது.

பின்னா் தீபிகா மீண்டும் 39-ஆவது நிமிஷத்திலும், 48-ஆவது நிமிஷத்திலும் கோலடித்து, இந்தியாவுக்காக ஹாட்ரிக் கோல் ஸ்கோா் செய்தாா். இந்தியாவின் அதிரடியை எதிா்கொள்ள முடியாமல் மலேசியா தடுமாற, இறுதியில் இந்தியாவே 5-0 கோல் கணக்கில் வென்றது.

இந்தியா அடுத்த ஆட்டத்தில் சீனாவை புதன்கிழமை (டிச. 11) சந்திக்கிறது.