தமிழக வீராங்கனை வித்யா தங்கம் வென்றார்! தைவான் தடகளப் போட்டிகளில் இந்தியா ஆதிக்கம்

தைபேய்: ’தைவான் தடகளப் போட்டிகள் 2025-இல்’ இந்தியா இன்று ஒரே நாளில் 5 தங்கப் பதக்கங்களை வென்று அசத்தியுள்ளது.

• பெண்களுக்கான 400 மீட்டர் தடை தாண்டும் ஓட்டத்தில் தமிழக வீராங்கனை வித்யா ராம்ராஜ் பந்தய தூரத்தை 56:53 விநாடிகளில் கடந்து தங்கம் வென்று அசத்தினார்.

• ஆடவருக்கான 400 மீட்டர் தடை தாண்டும் ஓட்டத்தில் யாஷஸ் பலக்‌ஷா இரண்டாமிடம் பிடித்து வெள்ளிப்பதக்கத்தை தட்டிச் சென்றார்.

• பெண்களுக்கான 800 மீட்டர் தடை தாண்டும் ஓட்டத்தில் பூஜா தங்கமும், ட்விங்கிள் சௌதரி வெள்ளியும் வென்றனர். தங்கம் வென்ற பூஜா ஏற்கெனவே 1500 மீட்டர் பந்தயத்திலும் தங்கம் வென்றிருந்தது குறிப்பிடத்தக்கது.

• ஆடவருக்கான 800 மீட்டர் தடை தாண்டுதலில் கிருஷ்ணன் குமார் தங்கம் வென்றார்.

• பெண்களுக்கான நீளம் தாண்டுதலில் ஷைலி சிங் வெள்ளி வென்றார்.

• ஆடவருக்கான ஈட்டி எறிதலில் ரோஹித் யாதவ் தங்கம் வென்றார்.

• பெண்களுக்கான ஈட்டி எறிதலில் அன்னு ராணி தங்கம் வென்றார்.

iதன்மூலம், தைவான் தடகளப் போட்டிகள் 2025-இல் இந்தியா மொத்தம் 11 தங்கப் பதக்கங்களை வென்று அசத்தியுள்ளது.