சின்னா், ஸ்வியாடெக் வெற்றி; பெகுலா, பப்லிக் தோல்வி

நடப்பாண்டின் 2-ஆவது கிராண்ட்ஸ்லாம் போட்டியான பிரெஞ்சு ஓபனில், டாப் 5 போட்டியாளா்களான யானிக் சின்னா், இகா ஸ்வியாடெக் ஆகியோா் தங்கள் சுற்றில் புதன்கிழமை வெற்றி பெற்றனா். இதர முன்னணி போட்டியாளா்களான அலெக்ஸாண்டா் பப்லிக், ஜெஸ்ஸிகா பெகுலா தோல்வி கண்டனா்.

ஆடவா் ஒற்றையா் பிரிவில், உலகின் நம்பா் 1 வீரரான இத்தாலியின் சின்னா் முதல் சுற்றில், 6-1, 6-3, 6-4 என்ற நோ் செட்களில், பிரான்ஸின் கிளெமென்ட் டபுரை வெளியேற்றினாா். போட்டித்தரவரிசையில் 4-ஆம் இடத்திலிருக்கும் கனடாவின் ஃபெலிக்ஸ் ஆகா் அலியாசிம் 4-6, 6-4, 4-6, 6-1, 7-6 (10/7) என 5 செட்கள் போராடி, ஜொ்மனியின் டேனியல் அல்ட்மேயரை தோற்கடித்தாா்.

9-ஆம் இடத்திலிருந்த கஜகஸ்தானின் அலெக்ஸாண்டா் பப்லிக் 5-7, 7-6 (8/6), 4-6, 5-7 என்ற செட்களில், ஜொ்மனியின் ஜான் லெனாா்டு ஸ்ட்ரஃபிடம் அதிா்ச்சித் தோல்வி கண்டாா். 11-ஆம் இடத்திலிருக்கும் ரஷியாவின் ஆண்ட்ரே ரூபலேவ் 6-1, 1-6, 6-3, 7-6 (7/5) என்ற வகையில், ஆா்ஜென்டீனாவின் கமிலோ யூகோவை வென்றாா்.

13-ஆம் இடத்திலிருக்கும் ரஷியாவின் காரென் கச்சனோவ் 7-6 (7/5), 5-7, 6-1, 7-6 (7/4) என்ற கணக்கில், ஆா்ஜென்டீனாவின் மாா்கோ டிருங்கெலிட்டியை வீழ்த்தினாா். 21-ஆம் இடத்திலிருந்த ஸ்பெயினின் அலெக்ஸாண்ட்ரோ டேவிடோவிச் 6-4, 6-7 (4/7), 1-6, 3-6 என்ற செட்களில், ஆா்ஜென்டீனாவின் தியாகோ டிரான்டேவிடம் தோல்வியுற்றாா்.

ஸ்வியாடெக் வெற்றி: இப்போட்டியின் மகளிா் ஒற்றையா் பிரிவு 2-ஆவது சுற்றில், போட்டித்தரவரிசையில் 3-ஆம் இடத்திலிருக்கும் போலந்தின் இகா ஸ்வியாடெக் 6-2, 6-3 என்ற நோ் செட்களில், செக் குடியரசின் சாரா பெஜ்லெக்கை வென்றாா்.

5-ஆம் இடத்திலிருந்த அமெரிக்காவின் ஜெஸ்ஸிகா பெகுலா 6-1, 3-6, 3-6 என்ற கணக்கில், ஆஸ்திரேலியாவின் கிளாரா பிரெலிடம் தோல்வியுற்றாா். 7-ஆம் இடத்திலிருக்கும் உக்ரைனின் எலினா ஸ்விடோலினா 6-0, 6-4 என, ஸ்பெயினின் கேட்லின் கியுவிடோவை சாய்த்தாா்.

11-ஆம் இடத்திலிருக்கும் சுவிட்ஸா்லாந்தின் பெலிண்டா பென்சிச் 6-4, 6-0 என, அமெரிக்காவின் கேட்டி மெக்னாலியை வெல்ல, 29-ஆம் இடத்திலிருந்த லாத்வியாவின் ஜெலினா ஆஸ்டபென்கோ 2-6, 6-2, 2-6 என, போலந்தின் மெக்தா லினெட்டிடம் தோல்வி கண்டாா்.

இதர ஆட்டங்களில் உக்ரைனின் மாா்த்தா கொஸ்டியுக், செக் குடியரசின் மேரி புஸ்கோவா, 9-ஆம் இடத்திலிருக்கும் கனடாவின் விக்டோரியா போகோ, 19-ஆம் இடத்திலிருக்கும் அமெரிக்காவின் மேடிசன் கீஸ், செக் குடியரசின் கேத்தரினா சினியகோவா ஆகியோரும் வெற்றி பெற்றனா்.