சாம்பியன்ஸ் டிராபிக்கான நியூசிலாந்து அணியில் ஒரு மாற்றம்!

சாம்பியன்ஸ் டிராபிக்கான நியூசிலாந்து அணியில் ஒரு மாற்றம் செய்யப்பட்டுள்ளது.

ஐசிசி சாம்பியன்ஸ் டிராபி கிரிக்கெட் தொடர் நாளை (பிப்ரவரி 19) தொடங்கவுள்ளது. தொடரின் முதல் போட்டியில் நடப்பு சாம்பியனான பாகிஸ்தான் நியூசிலாந்து அணியை எதிர்கொள்கிறது. இரு அணிகளுக்கும் இடையிலான இந்தப் போட்டி கராச்சியில் நடைபெறுகிறது.

இதையும் படிக்க: தந்தை மறைவு: தாயகம் திரும்பினார் இந்திய கிரிக்கெட் அணியின் பயிற்சியாளர்!

நியூசிலாந்து அணியில் மாற்றம்

சாம்பியன்ஸ் டிராபி கிரிக்கெட் தொடரில் பாகிஸ்தானுக்கு எதிரான போட்டியில் நாளை விளையாடவுள்ள நிலையில், காயம் காரணமாக லாக்கி ஃபெர்குசனுக்குப் பதிலாக நியூசிலாந்து அணியில் கைல் ஜேமிசன் சேர்க்கப்பட்டுள்ளார்.

காயம் காரணமாக சாம்பியன்ஸ் டிராபி தொடரிலிருந்து லாக்கி ஃபெர்குசன் விலகியுள்ளார். நியூசிலாந்து அணியில் சேர்க்கப்பட்டுள்ள கைல் ஜேமிசன் கடைசியாக கடந்த 2023 ஆம் ஆண்டு வங்கதேசத்துக்கு எதிரான ஒருநாள் போட்டியில் விளையாடியிருந்தார். அவர் தற்போது மாற்று வீரராக நியூசிலாந்து அணியில் இணைந்துள்ளார்.

இதையும் படிக்க: சாம்பியன்ஸ் டிராபிக்கு பிறகும் ஆப்கனுக்காக விளையாட விரும்பும் முகமது நபி!

30 வயதாகும் கைல் ஜேமிசன் நியூசிலாந்து அணிக்காக 13 ஒருநாள் போட்டிகளில் விளையாடியுள்ளது குறிப்பிடத்தக்கது.