பர்மிங்ஹாமில் மழை..! இந்தியா - இங்கிலாந்து போட்டி நடைபெறுமா?

இங்கிலாந்துடனான 2-ஆவது டெஸ்ட் போட்டியின் கடைசி நாளில் மழை வர வாய்ப்பிருப்பதாகக் கூறப்படுகிறது. ஏற்கெனவே, அடிக்கடி மழை குறுக்கிட்டதால் போட்டி தாமதமாகியுள்ளது.

முதல் டெஸ்ட்டில் இங்கிலாந்து வெற்றி பெற்றது. 2-ஆவது டெஸ்ட்டில் இங்கிலாந்து வெற்றி பெற 608 ரன்கள் இலக்காக நிரணயிக்கப்பட்டுள்ளது.

இந்த டெஸ்ட்டின் 4-ஆம் நாள் முடிவில் இங்கிலாந்து 72/3 ரன்கள் எடுத்து தடுமாறி வருகிறது.

ஹாரி புரூக் 15*, ஆலி போப் 24* ரன்களுடன் களத்தில் இருந்தார்கள்.

இன்றும் மழை குறுக்கிட்டால் அது இந்தியாவின் வாய்ப்பினை தட்டிப்பறிப்பதாக அமைந்துவிடும். அதேசமயம் இங்கிலாந்தும் வெற்றிபெறவே நினைப்பதால் அந்த அணிக்கும் இது பாதகமாகவே இருக்கும்.

1-0 என முன்னிலை வகிக்கும் இங்கிலாந்தை விட இந்த வெற்றி இந்தியாவுக்குதான் முக்கியமானதாக இருக்கிறது.

இங்கிலாந்தில் காலை 7 மணிக்கு 79 மழை வாய்ப்பு மதியம் 1 மணி அளவில் 22 சதவிகிதமாகக் குறைந்திருக்கிறது.

இங்கிலாந்தில் காலைமுதல் மேகமூட்டமாக இருந்த வானம் தற்போது ஓரளவுக்கு சூரியன் தெரிந்திருக்கும் புகைப்படங்களை இங்கிலாந்து ரசிகர்கள் எக்ஸ் தளத்தில் பதிவிட்டு வருகிறார்கள்.