19 வயதுக்குள்பட்டோருக்கான இந்திய அணி தனது முதல் டெஸ்ட்டில் ஆஸ்திரேலியாவை வீழ்த்தியது.
இன்னிங்ஸ் மற்றும் 58 ரன்கள் வித்தியாசத்தில் அபாரமாக வென்று அசத்தியது.
19 வயதுக்குள்பட்டோருக்கான இந்திய அணி ஆஸ்திரேலியாவுக்குச் சுற்றுப் பயணம் செய்து விளையாடி வருகிறது.
ஒருநாள் தொடரைத் தொடர்ந்து தற்போது 2 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்ட்டில் இன்னிங்ஸ் மற்றும் 58 ரன்கள் வித்தியாசத்தில் அபாரமாக வென்றுள்ளது.
முதல் இன்னிங்ஸில் விளையாடிய யு-19 ஆஸி. 243 ரன்களுக்கு ஆல் அவுட்டானது. அடுத்து, விளையாடிய, யு-19 இந்திய அணி 428 ரன்கள் குவித்தது.
இந்திய அணியில் அதிகபட்சமாக, வேதாந்த் திரிவேதி 140, வைபவ் சூர்யவன்ஷி 113 ரன்கள் குவித்தார்கள்.
இரண்டாவது இன்னிங்ஸை விளையாடிய யு-19 ஆஸி. அணி 127 ரன்களுக்கு ஆல் அவுட்டானது. அதிகபட்சமாக ஆர்யான் ஷர்மா 43 ரன்கள் மட்டுமே எடுத்தார்.
இந்தியா சார்பில் கிளன் படேல், தீபேஷ் தேவேந்திரன் தலா 3 விக்கெட்டுகளும் அன்மோல்ஜித் சிங், கிஷன் குமார் தலா 2 விக்கெட்டுகளும் எடுத்து அசத்தினார்கள்.
இரண்டாவது டெஸ்ட் போட்டி அக்.7ஆம் தேதி மெக்கேவில் தொடங்குகிறது.
இவர்களுடனான ஒருநாள் தொடரை 3-0 என யு-19 இந்திய அணி வென்றது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.