கொல்கத்தா நைட் ரைடர்ஸுக்கு எதிரான எலிமினேட்டர் ஆட்டத்தில் முதலில் பேட் செய்த ராயல் சேலஞ்சர்ஸ் பெங்களூரு நிர்ணயிக்கப்பட்ட 20 ஓவர்களில் 7 விக்கெட்டுகள் இழப்புக்கு 138 ரன்கள் எடுத்துள்ளது.
ஐபிஎல் எலிமினேட்டர் ஆட்டத்தில் ராயல் சேலஞ்சர்ஸ் பெங்களூரு, கொல்கத்தா நைட் ரைடர்ஸ் அணிகள் திங்கள்கிழமை விளையாடி வருகின்றன. டாஸ் வென்ற பெங்களூரு கேப்டன் விராட் கோலி முதலில் பேட்டிங்கைத் தேர்வு செய்தார்.
பெங்களூரு தொடக்க ஆட்டக்காரர்களாக வழக்கம்போல் தேவ்தத் படிக்கல், விராட் கோலி களமிறங்கினர். ரன் குவிப்பதில் சிரமம் இருக்கும் என்று எதிர்பார்க்கப்பட்ட ஆடுகளத்தில் இருவரும் துரிதமாக ரன் குவிக்கத் தொடங்கினர். முதல் 5 ஓவர்களில் விக்கெட் இழப்பின்றி 49 ரன்கள் எடுத்தது பெங்களூரு.
இதையும் படிக்க | ஐபிஎல் இறுதிச்சுற்றில் சிஎஸ்கே: சாதனைப் புள்ளிவிவரங்கள்
பவர் பிளேவின் கடைசி ஓவரின் முதல் பந்தில் படிக்கல்லை (21) போல்டாக்கி திருப்புமுனை உண்டாக்கினார் லாக்கி பெர்குசன். இதிலிருந்து படிப்படியாகக் குறையத் தொடங்கியது பெங்களூரு ரன் ரேட்.
10-வது ஓவர் வரை 1 பவுண்டரிகூட போகவில்லை. 10-வது ஓவரில் ஸ்ரீகர் பரத்தும் 9 ரன்களுக்கு சுனில் நரைன் சுழலில் வீழ்ந்தார்.
அதிரடிக்கு மாறத் திணறி வந்த கோலியும் (39 ரன்கள்), நரைன் பந்தில் பவுண்டரி அடிக்க முயன்று போல்டானார். நரைன் அடுத்த ஓவரில் ஏபி டி வில்லியர்ஸையும் (11) போல்டாக்கி பெங்களூருவைக் கட்டுப்படுத்தினார். விக்கெட்டைப் பாதுகாத்து விளையாடி வந்த கிளென் மேக்ஸ்வெல் கடைசியில் அதிரடி காட்டுவார் என்று எதிர்பார்க்கப்பட்டது.
ஆனால், அவரையும் (15) நரைன் வீழ்த்தினார். இதனால், ஒருகட்டத்தில் 9, 8-க்கு மேல் இருந்த ரன் ரேட் ஓவருக்கு 7-க்குக் கீழ் குறைந்தது.
நிர்ணயிக்கப்பட்ட 20 ஓவர்களில் பெங்களூரு அணி 8 விக்கெட்டுகள் இழப்புக்கு 138 ரன்கள் எடுத்துள்ளது.
கொல்கத்தா தரப்பில் சுனில் நரைன் 4 விக்கெட்டுகளையும், லாக்கி பெர்குசன் 2 விக்கெட்டுகளையும் வீழ்த்தினர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.