ஐபிஎல் லீக் சுற்று விரைவில் முடியப் போகிறது. இந்தத் தருணத்தில் மிக முக்கியமான ஆட்டத்தில் தில்லியும் மும்பையும் இன்று மோதுகின்றன.
ஐபிஎல் 2021 போட்டியில் மும்பை அணி மீதமுள்ள 3 ஆட்டங்களிலும் வெற்றி பெற்றுவிட்டால் பிளேஆஃப்புக்குத் தகுதி பெற்றுவிடலாம். தில்லி அணி புள்ளிகள் பட்டியலில் முதல் இரு இடங்களில் ஒன்றைப் பிடிக்க முனைப்புடன் உள்ளது. புள்ளிகள் பட்டியலில் மும்பை அணி 10 புள்ளிகளுடன் 6-ம் இடத்திலும் தில்லி அணி 16 புள்ளிகளுடன் 2-ம் இடத்திலும் உள்ளன. கடந்த இரு ஐபிஎல் போட்டிகளிலும் மும்பைக்கு எதிராக விளையாடிய 5 ஆட்டங்களில் 4-ல் தில்லி அணி தோல்வியடைந்துள்ளது.
ஷார்ஜாவில் நடைபெறும் ஆட்டத்தில் டாஸ் வென்ற தில்லி அணி பந்துவீச்சைத் தேர்வு செய்துள்ளது. தில்லி அணியில் லலித் யாதவுக்குப் பதிலாக பிருத்வி ஷா இடம்பெற்றுள்ளார். மும்பை அணியில் ராகுல் சஹாருக்குப் பதிலாக ஜெயந்த் யாதவ் இடம்பெற்றுள்ளார்.