ஐபிஎல்: ஹைதராபாத்தில் 3 மாற்றங்கள், டெல்லியில் 4 மாற்றங்கள்

டெல்லி கேபிடல்ஸுக்கு எதிரான ஆட்டத்தில் டாஸ் வென்ற சன்ரைசர்ஸ் ஹைதராபாத் முதலில் பந்தவீச்சைத் தேர்வு செய்துள்ளது.

ஐபிஎல்-இன் இன்றைய (வியாழக்கிழமை) ஆட்டத்தில் டெல்லி கேபிடல்ஸ், சன்ரைசர்ஸ் ஹைதராபாத் அணிகள் விளையாடுகின்றன. டாஸ் வென்ற ஹைதராபாத் கேப்டன் கேன் வில்லியம்சன் முதலில் பந்துவீச்சை தேர்வு செய்துள்ளார்.

இதையும் படிக்க | சன்ரைசர்ஸ் அணியில் புதிய வீரர்

ஹைதராபாத் அணியில் 3 மாற்றங்கள் செய்யப்பட்டுள்ளன. நடராஜன் மற்றும் வாஷிங்டன் சுந்தர் காயம் காரணமாக விளையாடவில்லை. மார்கோ யான்செனுக்கு ஓய்வளிக்கப்பட்டுள்ளது. இவர்களுக்குப் பதில் கார்த்திக் தியாகி, ஷ்ரேயஸ் கோபால் மற்றும் ஷான் அபாட் சேர்க்கப்பட்டுள்ளனர்.

டெல்லி கேபிடல்ஸ் அணியில் 4 மாற்றங்கள் செய்யப்பட்டுள்ளன. பிரித்வி ஷா, அக்சர் படேல், முஸ்தபிஸூர் ரஹ்மான் மற்றும் சேத்தன் சகாரியா ஆகியோருக்குப் பதில் அன்ரிச் நோர்க்கியா, மந்தீப் சிங், ரிபல் படேல் மற்றும் கலீல் அகமது ஆகியோர் விளையாடுகின்றனர்.