சிஎஸ்கே பந்துவீச்சு; அணிக்குத் திரும்பிய முஸ்தபிசூர் ரஹ்மான்!

கொல்கத்தா நைட் ரைடர்ஸுக்கு எதிராக டாஸ் வென்ற சென்னை சூப்பர் கிங்ஸ் பந்துவீச்சைத் தேர்வு செய்துள்ளது.

ஐபிஎல் தொடரில் சென்னை சேப்பாக்கம் மைதானத்தில் நடைபெறும் இன்றையப் போட்டியில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் மோதுகின்றன.

இந்தப் போட்டியில் டாஸ் வென்ற சென்னை சூப்பர் கிங்ஸ் அணியின் கேப்டன் ருதுராஜ் கெய்க்வாட் பந்துவீச்சைத் தேர்வு செய்துள்ளார். இதனையடுத்து, கொல்கத்தா முதலில் பேட் செய்கிறது.

சென்னை அணியில் பதிரானா இல்லை. கடந்த போட்டியில் அணியில் இடம்பெறாமலிருந்த முஸ்தபிசூர் ரஹ்மான், மீண்டும் அணியில் இணைந்துள்ளார். ஷர்துல் தாக்குர் மற்றும் சமீர் ரிஸ்வி அணியில் இணைந்துள்ளனர்.