செய்தி மடல்
இ-பேப்பர்
கொல்கத்தாவுக்கு எதிரான போட்டியில் பஞ்சாப் அணியின் கேப்டன் ஷிகர் தவான் விளையாடமாட்டார் என அந்த அணியின் பந்துவீச்சு பயிற்சியாளர் சுனில் ஜோஷி தெரிவித்துள்ளார்.
பஞ்சாப் கிங்ஸ் அணியின் கேப்டன் ஷிகர் தவான் கடைசியாக கடந்த ஏப்ரல் 9 ஆம் தேதி சன் ரைசர்ஸ் ஹைதராபாத் அணிக்கு எதிரானப் போட்டியில் விளையாடினார். அதன்பின் தோள்பட்டையில் ஏற்பட்ட காயம் காரணமாக தொடர்ச்சியாக மூன்று போட்டிகளில் விளையாடவில்லை. அவர் அணியில் இல்லாதபோது சாம் கரண் அணியை கேப்டனாக வழிநடத்தினார்.
இந்த நிலையில், கொல்கத்தாவுக்கு எதிரான போட்டியில் பஞ்சாப் அணியின் கேப்டன் ஷிகர் தவான் விளையாடமாட்டார் எனவும், சென்னை சூப்பர் கிங்ஸுக்கு எதிரான போட்டியின்போது அணியில் இணைவார் எனவும் பஞ்சாப் அணியின் பந்துவீச்சு பயிற்சியாளர் சுனில் ஜோஷி தெரிவித்துள்ளது முக்கியத்துவம் பெறுகிறது.
இது தொடர்பாக அவர் பேசியதாவது: ஷிகர் தவான் சிறப்பான ஃபார்மில் இருந்தார். அவர் கடந்த மூன்று போட்டிகளில் இல்லாதது அணியின் பேட்டிங்குக்கு மிகப் பெரிய இழப்பு. அவர் வலைப்பயிற்சியில் ஈடுபட்டு வருகிறார். அவர் சென்னை சூப்பர் கிங்ஸுக்கு எதிரான போட்டியில் களமிறங்குவார் என்றார்.
வருகிற மே 1 ஆம் தேதி சென்னை சூப்பர் கிங்ஸ் மற்றும் பஞ்சாப் கிங்ஸ் அணிகளுக்கு இடையிலான போட்டி சென்னை சேப்பாக்கத்தில் நடைபெறவுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
