ஆஸ்திரேலியாவின் நட்சத்திர வீரர்களில் ஒருவர் டேவிட் வார்னர். 37 வயதாகும் இவர் டெஸ்டில் 8,786 ரன்களும், ஒருநாள் போட்டிகளில் 6,932 ரன்களும், டி20 போட்டிகளில் 3,099 ரன்களும் எடுத்துள்ளார்.
183 ஐபிஎல் போட்டிகளில் விளையாடிய வார்னர் 6, 564 ரன்கள் எடுத்து அசத்தியுள்ளார். ஐபிஎல் கிரிகெட்டின்போது இந்திய ரசிகர்களின் அன்பினை பெற்றார். பிரபல தெலுங்கு நடிகர் அல்லு அர்ஜுனின் புஷ்பா பட ஸ்டைலில் இவர் செய்யும் ரீல்ஸ்கள் மிகவும் புகழ் பெற்றவை.
தீபாவளி, விநாயகர் சதுர்த்தி என அனைத்துக்கும் வாழ்த்துகளை தெரிவிப்பார்.
இந்நிலையில், தில்லி அணியின் ஜேக் ஃபிரேசர் மெக்கர்க் டிரிஸ்டப் ஸ்டப்ஸ் ஐபிஎல், கோல்ஃப், அதிரடி ஆட்டம் என பலவற்றை குறித்து உரையாடலில் ஈடுபட்டார்கள்.
தில்லி அணியில் தொடக்க வீரராக களமிறங்கும் டேவிட் வார்னர் குறித்து மெக்கர்க், “நான் பார்த்திலேயே டேவிட் வார்னர் போன்று சுயநலமில்லாத மனிதர் யாருமில்லை. அவர் எல்லோருக்கும் நேரம் செலவிடுவார். உங்களுக்கு 24*7 மணி நேரமும் உதவுவார். ஒவ்வொரு விடுதி அறையிலும் அவர் இருந்தால் எனக்கு 2 அறைகள் இருப்பதாக அர்த்தம். தினமும் காலையில் அவர் அறைக்கு சென்று காஃபி பருகுவேன்.
டேவிட் வார்னர் ஆஸ்திரேலியரை போல் அல்லாமல் இந்தியராகவே அதிகம் இருக்கிறார். நான் அதைத்தான் அவரிடம் சொல்லுவேன். 70 சதவிகிதம் இந்தியர்; மீதி 30 சதவிகிதம் ஆஸ்திரேலியர்” என்றார்.
ஸ்டப்ஸ், “எனக்கு அவரைப் பற்றி எதுவும் தெரியாது. ஆனால் அவருக்கு என்னைப் பற்றி எல்லாமும் தெரியும்” என்றார்.
டி20 உலகக் கோப்பை போட்டிக்கு டேவிட் வார்னர் தேர்வாகியுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.
