டி20 போட்டிகளில் முதல் முறையாக மிட்செல் ஸ்டார்க் 5 விக்கெட்டுகள் கைப்பற்றி அசத்தியுள்ளார்.
ஐபிஎல் தொடரில் விசாகப்பட்டினத்தில் நடைபெற்ற இன்றையப் போட்டியில் சன்ரைசர்ஸ் ஹைதராபாத் மற்றும் தில்லி கேபிடல்ஸ் அணிகள் விளையாடின. இந்தப் போட்டியில் தில்லி கேபிடல்ஸ் 7 விக்கெட்டுகள் வித்தியாசத்தில் ஹைதராபாதை வீழ்த்தி அசத்தியது.
தில்லி கேபிடல்ஸ் தரப்பில் அபார பந்துவீச்சை வெளிப்படுத்திய மிட்செல் ஸ்டார்க் 5 விக்கெட்டுகளைக் கைப்பற்றி அசத்தினார். இதன் மூலம், டி20 போட்டிகளில் முதல் முறையாக மிட்செல் ஸ்டார்க் 5 விக்கெட்டுகளைக் கைப்பற்றியுள்ளார். தில்லி கேபிடல்ஸ் அணிக்காக 5 விக்கெட்டுகளைக் கைப்பற்றிய முதல் வேகப் பந்துவீச்சாளர் என்ற சாதனையையும் அவர் படைத்துள்ளார்.
இதற்கு முன்னதாக கடந்த 2008 ஆம் ஆண்டு தில்லி கேபிடல்ஸ் அணிக்காக சுழற்பந்துவீச்சாளர் அமித் மிஸ்ரா முதல் வீரராக 5 விக்கெட்டுகளைக் கைப்பற்றியிருந்தார். தற்போது, அந்த வரிசையில் இரண்டாவது வீரராக மிட்செல் ஸ்டார்க் இணைந்துள்ளார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.