ஒரே நாளில் ஐபிஎல் போட்டியில் இரு அதிவேக அரை சதங்கள் எடுக்கப்பட்டுள்ளன. இதனால் இந்த வருட ஐபிஎல் போட்டி அமர்க்களமாகத் தொடங்கியுள்ளது.
ஐபிஎல் போட்டியின் 3-வது ஆட்டத்தில் கொல்கத்தா நைட் ரைடர்ஸ் 4 விக்கெட்டுகள் வித்தியாசத்தில் ராயல் சேலஞ்சர்ஸ் பெங்களூரை வீழ்த்தியது.
கொல்கத்தாவில் ஞாயிற்றுக்கிழமை இரவு நடைபெற்ற ஆட்டத்தில் முதலில் பேட் செய்த பெங்களூரு 20 ஓவர்களில் 7 விக்கெட் இழப்புக்கு 176 ரன்கள் எடுத்தது. அடுத்து ஆடிய கொல்கத்தா 18.5 ஓவர்களில் 6 விக்கெட் இழப்புக்கு 177 ரன்கள் எடுத்து வென்றது.
கொல்கத்தா அணியில் அதிகபட்சமாக சுனில் நரைன் 17 பந்துகளில் 4 பவுண்டரிகள், 5 சிக்ஸர்கள் உள்பட 50 ரன்கள் எடுத்தார். இதனால் ஆட்ட நாயகன் விருதை அவர் பெற்றார்.
2-வது ஆட்டத்தில் கிங்ஸ் லெவன் பஞ்சாப் அணி 6 விக்கெட்டுகள் வித்தியாசத்தில் டெல்லி டேர்டெவில்ஸ் அணியை வென்றது. பஞ்சாப் மாநிலம் சண்டீகரில் ஞாயிற்றுக்கிழமை மாலை நடைபெற்ற ஆட்டத்தில் முதலில் பேட் செய்த டெல்லி 20 ஓவர்களில் 7 விக்கெட் இழப்புக்கு 166 ரன்கள் எடுத்தது. அடுத்து ஆடிய பஞ்சாப் 18.5 ஓவர்களில் 4 விக்கெட் இழப்புக்கு 167 ரன்கள் எடுத்து வென்றது.
பஞ்சாப் அணியில் தொடக்க வீரர் லோகேஷ் ராகுல் அபாரமாக ஆடி அருமையான தொடக்கத்தை ஏற்படுத்தினார். 14 பந்துகளில் 6 பவுண்டரிகள், 4 சிக்ஸர்களுடன் அரைசதம் எட்டி, "ஐபிஎல் போட்டியில் அதிவேக (14 பந்துகள்) அரைசதம் அடித்த வீரர்' என்ற பெருமையை பெற்றார். முன்னதாக, கொல்கத்தா வீரர் இர்ஃபான் பதான் 15 பந்துகளில் அரைசதம் எட்டியதே விரைவானதாக இருந்தது. 51 ரன்களுக்கு ஆட்டமிழந்த ராகுல் ஆட்ட நாயகனாகத் தேர்வு செய்யப்பட்டார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

தில்லியில் அதிகரிக்கும் வெப்பம்: 42 டிகிரி செல்சியஸாக பதிவு

கேஜரிவாலுக்கு எதிரான நீதிமன்ற அவமதிப்பு வழக்கு விசாரணையிலிருந்து நீதிபதி விலகல்

காங்கிரஸ் தலைவா்கள் மன சமநிலையை இழந்துவிட்டனா்: ரேகா குப்தா

பேருந்து மோதி மாணவா் உயிரிழப்பு
வீடியோக்கள்

#iranwar | போர் நிறுத்தம் நீட்டிப்பு: ஈரானிடம் டிரம்ப் கேட்பது என்ன? | Donald Trump |
தினமணி செய்திச் சேவை

#ipl2026 | போர்: பண்டியாவின் மும்பையா ருதுராஜின் சென்னையா? | MI vs CSK | MS Dhoni | Rohit Sharma |
தினமணி செய்திச் சேவை

வாக்குச்சாவடிகளை அடையாளம் காண புதிய முயற்சி | TN Election 2026 | Madurai | Polling booth
தினமணி செய்திச் சேவை

பணப்பட்டுவாடா புகார்களுக்கு எடுக்கப்பட்ட நடவடிக்கைகள்! அர்ச்சனா பட்நாயக் பேட்டி
இணையதளச் செய்திப் பிரிவு


