சாதனை படைப்பாரா சுனில் நரேன்? கொல்கத்தா முதல் பேட்டிங்

11-ஆவது சீசன் ஐபிஎல் போட்டித் தொடரின் 10-ஆவது லீக் ஆட்டத்தில் கொல்கத்தா நைட் ரைடர்ஸ், சன்ரைஸர்ஸ் ஹைதராபாத் அணிகள் மோதுகின்றன. கொல்கத்தா ஈடன் கார்டன் மைதானத்தில் இப்போட்டி இரவு 8 மணிக்கு துவங்கி நடைபெறுகிறது.

இதில் டாஸ் வென்ற சன்ரைஸர்ஸ் ஹைதராபாத் அணி கேப்டன் கேன் வில்லியம்சன் பந்துவீச்சை தேர்வு செய்தார். இதுவரை இவ்விரு அணிகளும் மோதிய போட்டிகளில் நைட் ரைடர்ஸ் 8 முறையும், சன்ரைஸர்ஸ் 4 முறையும் வென்றுள்ளன.

கடந்த 2012-ஆம் ஆண்டு ரோஹித் ஷர்மா சதமடித்த (109 ரன்கள்) பிறகு இங்கு எந்த பேட்ஸ்மேனும் சதமடிக்கவில்லை. அதுபோல ஈடன் கார்டன் மைதானத்தில் நைட் ரைடர்ஸ் அணிக்கு எதிராக நடைபெற்ற 5 போட்டிகளிலும் சன்ரைஸர்ஸ் தோல்வியடைந்துள்ளது.

இப்போட்டியில் இன்னும் 3 விக்கெட்டுகளை வீழ்த்தினால், 100 ஐபிஎல் விக்கெட்டுகளை வீழ்த்திய 3-ஆவது அந்நிய வீரர் (மலிங்கா, பிராவோ ஆகியோருக்குப் பிறகு) என்ற பெருமையை சுனில் நரேன் பெறுவார். மேலும் ஐபிஎல் போட்டிகளில் 100 விக்கெட்டுகளுக்கும் மேல் வீழ்த்திய 11-ஆவது வீரர் ஆவார்.