கிறிஸ் லின் 3 ரன்கள் எடுத்தால் 3 ஆயிரம் ரன்கள்: தினேஷ் கார்த்திக் பந்துவீச்சு தேர்வு

11-ஆவது சீசன் ஐபிஎல் போட்டித் தொடரின் 15-ஆவது லீக் ஆட்டம் புதன்கிழமை நடைபெறுகிறது. ஜெய்பூரில் உள்ள சவாய் மான்சிங் மைதானத்தில் நடைபெறும் இப்போட்டியில் ராஜஸ்தான் ராயல்ஸ், கொல்கத்தா நைட் ரைடர்ஸ் அணிகள் பலப்பரீட்சை நடத்துகின்றன.

இவ்விரு அணிகளுக்கு இடையில் ராஜஸ்தான் ராயல்ஸ் அணி 9 முறையும், கொல்கத்தா நைட் ரைடர்ஸ் 6 முறையும் வெற்றிபெற்றுள்ளன. அவற்றில் ஜெய்பூரில் நடைபெற்ற ஆட்டங்களில் ராஜஸ்தான் ராயல்ஸ் 3 முறையும், கொல்கத்தா நைட் ரைடர்ஸ் 1 முறையும் வென்றுள்ளன.

20 ஓவர் கிரிக்கெட் போட்டிகளில் கிறிஸ் லின் 3 ரன்கள் எடுத்தால் 3 ஆயிரம் ரன்களையும், டி ஆர்கி 13 ரன்கள் எடுத்தால் ஆயிரம் ரன்களையும் கடந்தவர்கள் என்ற சாதனையைப் படைப்பார்கள். இப்போட்டியில் டாஸ் வென்ற கொல்கத்தா நைட் ரைடர்ஸ் அணி கேப்டன் தினேஷ் கார்த்திக் பந்துவீச்சை தேர்வு செய்தார்.

இரு அணிகள் விவரம் பின்வருமாறு:

ராஜஸ்தான் ராயல்ஸ்:

அஜிங்க்ய ரஹானே (கேப்டன்), டி ஆர்கி ஷார்ட், சஞ்சு சாம்சன் (விக்கெட் கீப்பர்), பென் ஸ்டோக்ஸ், ராகுல் திரிபாதி, ஜாஸ் பட்லர், கே.கௌதம், பென் லாஃப்லின், ஷ்ரேயாஸ் கோபால், தாவால் குல்கர்னி, ஜெயதேவ் உனாட்கட்.

கொல்கத்தா நைட் ரைடர்ஸ்:

சுனில் நரேன், கிறிஸ் லின், ராபின் உத்தப்பா, நிதீஷ் ராணா, தினேஷ் கார்த்திக் (கேப்டன், விக்கெட் கீப்பர்), ஷுப்மான் கில், ஆண்ட்ரே ரசல், ஷிவம் மாவி, பியூஷ் சாவ்லா, டாம் குர்ரன், குல்தீப் யாதவ்.