கவுன்டி கிரிக்கெட்டில் 5 விக்கெட்டுகளை வீழ்த்தி அஸ்வின் அசத்தல்! (வீடியோ)

பந்துவீச்சில் முதல் இன்னிங்ஸில் 3 விக்கெட்டுகளையும் இரண்டாவது இன்னிங்ஸில் 5 விக்கெட்டுகளையும் எடுத்து அசத்தியுள்ளார்...

Updated On :1 செப்டம்பர் 2017, 7:13 am

இந்திய கிரிக்கெட் வீரர் அஸ்வின் கவுன்டி கிரிக்கெட்டில் 5 விக்கெட்டுகளை எடுத்து அசத்தியுள்ளார்.

2018-ல் இந்திய அணி, இங்கிலாந்தில் சுற்றுப்பயணம் செய்து விளையாடவுள்ளது. அதற்குத் தயாராகும் வகையில் கவுன்டி கிரிக்கெட்டில் விளையாட அஸ்வின் முடிவு செய்தார். இதையடுத்து அவர் வார்செஸ்டர்ஷையர் அணிக்காகக் களமிறங்கியுள்ளார்.

நேற்று முடிந்த குளோசெஸ்டர்ஷையர் அணிக்கு எதிரான போட்டியில் அஸ்வின் பங்கேற்ற வார்செஸ்டர்ஷையர் அணி 189 ரன்கள் வித்தியாசத்தில் வெற்றி பெற்றுள்ளது. பேட்டிங்கில் இரு இன்னிங்ஸ்களிலும் 36, 28 ரன்கள் எடுத்த அஸ்வின் பந்துவீச்சில் முதல் இன்னிங்ஸில் 3 விக்கெட்டுகளையும் இரண்டாவது இன்னிங்ஸில் 5 விக்கெட்டுகளையும் எடுத்து அசத்தியுள்ளார்.

கவுண்டி கிரிக்கெட் சார்பாக அதன் சமூகவலைத்தளத்தில் அஸ்வினின் 5 விக்கெட்டுகளின் வீடியோ வெளியிடப்பட்டு, அஸ்வின் இங்கு நன்றாக உள்ளார் என்று பிசிசிஐக்கும் தகவல் தெரிவிக்கப்பட்டுள்ளது.

இந்தப் போட்டியில் அஸ்வினின் பங்களிப்பு

பேட்டிங்

36 & 28

பந்துவீச்சு

3/94 (29 ஓவர்கள்) & 5/68 (34 ஓவர்கள்)

1 கேட்ச்