வங்கதேசத்திடம் 48 ரன்கள் வித்தியாசத்தில் மேற்கிந்திய தீவுகள் தோல்வி

முதல் ஒரு நாள் போட்டியில் வங்கதேச அணியிடம் 48 ரன்கள் வித்தியாசத்தில் மேற்கிந்திய தீவுகள் தோல்வியடைந்தது.
மேற்கிந்திய தீவுகளில் சுற்றுப் பயணம் செய்து வரும் வங்கதேச அணி ஏற்கெனவே 2 டெஸ்ட் போட்டிகளில் தோல்வியைத் தழுவியது. இந்நிலையில் தற்போது 3 ஒரு நாள் ஆட்டங்கள் கொண்ட தொடர் நடந்து வருகிறது.
இதன் முதல் ஒரு நாள் ஆட்டம் பிராவிடென்ஸ் மைதானத்தில் ஞாயிற்றுக்கிழமை நடைபெற்றது. முதலில் ஆடிய வங்கதேச அணி 50 ஓவர்களில் 4 விக்கெட்டை இழந்து 279 ரன்களை குவித்தது. தமிம் இக்பால் 130, ஷகிப் அல் ஹசன் 97 ரன்களை குவித்தனர்.
பின்னர் ஆடிய மேற்கிந்திய தீவுகள் 50 ஓவர்களில் 9 விக்கெட்டை இழந்து 231 ரன்களை மட்டுமே எடுத்து தோல்வியடைந்தது. அந்த அணியில் ஷிம்ரோன் மட்டுமே 52 ரன்களை எடுத்தார். வங்கதேச வீரர் மொர்டஸா 4 விக்கெட்டை வீழ்த்தினார். இறுதியில் 48 ரன்கள் வித்தியாசத்தில் வங்கதேசம் வென்றது.