யு.எஸ். ஓபன்: ரோஜர் ஃபெடரர் தோல்வி!

2018 யு.எஸ். ஓபன் போட்டியிலிருந்து பிரபல வீரர் ரோஜர் ஃபெடரர் வெளியேறியுள்ளார்.

ஐந்துமுறை யு.எஸ். ஓபன் போட்டியை வென்ற ஃபெடரர், நான்காவது சுற்றில் 29 வயது ஆஸ்திரேலிய வீரர் ஜான் மில்மேனை எதிர்கொண்டார். எளிதாக வென்று காலிறுதிக்குள் நுழைவார் என எதிர்பார்க்கப்பட்ட ஃபெடரரை வீழ்த்தி ஆச்சர்யப்படுத்தியுள்ளார் மில்மேன். அவர், 3-6, 7-5, 7-6, 7-6 என்ற செட் கணக்கில் ஃபெடரை வீழ்த்தி காலிறுதிக்குத் தகுதி பெற்றுள்ளார். 

காலிறுதியில் விம்பிள்டன் சாம்பியன் ஜோகோவிச்சை எதிர்கொள்கிறார் மில்மேன்.