ஜப்பான் ஓபன் பாட்மிண்டன்

ஜப்பான் ஓபன் பாட்மிண்டன் போட்டி ஆடவர் ஒற்றையர் காலிறுதிச் சுற்றுக்கு கிடாம்பி ஸ்ரீகாந்த் தகுதி பெற்றார். அதே நேரத்தில் நட்சத்திர வீராங்கனை பி.வி.சிந்து அதிர்ச்சித் தோல்வியடைந்தார்.
இதில் ஸ்ரீகாந்த் 21-15, 21-14 என நேர் செட்களில் ஹாங்காங்கின் வொங்விங் கியை வீழ்த்தினார். இதன் மூலம் ஆசியப் போட்டியில் வொங்கிடம் தான் பெற்ற தோல்விக்கு பழிதீர்த்துக் கொண்டார் ஸ்ரீகாந்த். மற்றொரு ஆட்டத்தில் எச்.எஸ். பிரணாய் 14-21, 17-21 என நேர்செட்களில் இந்தோனேஷியாவின் அந்தோணி சினிசுகாவிடம் தோல்வியுற்று வெளியேறினார்.
மகளிர் ஒற்றையர் பிரிவில் நட்சத்திர வீராங்கனை பி.வி.சிந்து 18-21, 19-21 என நேர் செட்களில் சீனாவின் கவோபேன்ஜியிடம் 
தோல்வியுற்றார்.