2 விக்கெட்டுகளில் புதிய சாதனை படைக்கவுள்ள பும்ரா!

ஆஸ்திரேலியாவுக்கு எதிரான முதல் டி20 ஆட்டத்தில் ஜஸ்ப்ரித் பும்ராவின் பந்துவீச்சை யாராலும் மறக்கமுடியாது. இந்நிலையில் புதிய சாதனை படைக்கத் தயாராகிவிட்டார் பும்ரா.

முதல் டி20 ஆட்டத்தில் 3 விக்கெட்டுகள் எடுத்த பும்ரா, 50 சர்வதேச டி20 விக்கெட்டுகளை எட்டினார். இதையடுத்து டி20 கிரிக்கெட்டில் 50 விக்கெட்டுகள் எடுத்த 2-வது இந்திய வீரர் என்கிற பெருமையைப் பெற்றார்.

இந்நிலையில் இன்னும் 2 விக்கெட்டுகள் எடுத்தால் அதிக டி20 விக்கெட்டுகள் எடுத்த இந்திய வீரர் என்கிற பெருமையை அடைவார் பும்ரா. அஸ்வின் 46 டி20 ஆட்டங்களில் 52 விக்கெட்டுகள் எடுத்துள்ளார். பும்ரா 41 ஆட்டங்களில் 51 விக்கெட்டுகள் எடுத்துள்ளார். எனவே இன்னும் 2 விக்கெட்டுகள் எடுத்தால் அவர் புதிய சாதனை படைத்துவிடுவார். ஆஸ்திரேலியாவுக்கு எதிரான 2-வது டி20 ஆட்டம் பெங்களூரில் நாளை  நடைபெறவுள்ளது.

சர்வதேச டி20 கிரிக்கெட்டில் பாகிஸ்தானின் சாஹித் அஃப்ரிடி 99 ஆட்டங்களில் 98 விக்கெட்டுகள் எடுத்து முதலிடத்தில் உள்ளார்.