பாகிஸ்தானுக்கு எதிரான டி20 தொடரில் விளையாடவுள்ள இங்கிலாந்து அணி அறிவிக்கப்பட்டுள்ளது.
மேற்கிந்தியத் தீவுகள் அணிக்கு எதிரான டெஸ்ட் தொடரை 2-1 என வென்றது இங்கிலாந்து அணி. அடுத்ததாக பாகிஸ்தானுக்கு எதிரான டெஸ்ட் தொடரில் விளையாடி வருகிறது. பாகிஸ்தானுக்கு எதிரான முதல் டெஸ்டில் 3 விக்கெட் வித்தியாசத்தில் வென்றது இங்கிலாந்து அணி. 2-வது டெஸ்ட் டிரா ஆனது. 3-வது டெஸ்ட் செளதாம்ப்டனில் ஆகஸ்ட் 21 அன்று தொடங்கவுள்ளது.
இந்நிலையில் இங்கிலாந்து - பாகிஸ்தான் ஆகிய இரு அணிகளும் டெஸ்ட் தொடருக்கு அடுத்ததாக டி20 தொடரில் விளையாடவுள்ளன. ஆகஸ்ட் 28 முதல் டி20 தொடர் தொடங்குகிறது.
டி20 தொடரில் விளையாடவுள்ள மார்கன் தலைமையிலான இங்கிலாந்து அணி அறிவிக்கப்பட்டுள்ளது.
இங்கிலாந்து அணி:
மார்கன் (கேப்டன்), மொயீன் அலி, பேர்ஸ்டோவ், டாம் பாண்டன், சாம் பில்லிங்ஸ், டாம் கரண், ஜோ டென்லி, லூயிஸ் கிரேகோரி, கிறிஸ் ஜார்டன், சகிப் முகமது, டேவிட் மலான், அடில் ரஷித், ஜேசன் ராய், டேவிட் வில்லி.