அடிலெய்டில் பகலிரவு டெஸ்ட்: இந்தியா - ஆஸ்திரேலியா கிரிக்கெட் தொடர்களின் அட்டவணை அறிவிப்பு

ஆஸ்திரேலியாவில் இந்தியா - ஆஸ்திரேலியா அணிகளுக்கு இடையில் நடைபெறவுள்ள கிரிக்கெட் தொடர்களின் அட்டவணை வெளியிடப்பட்டுள்ளது.

ஐபிஎல் போட்டி முடிந்த பிறகு ஆஸ்திரேலியா செல்லும் இந்திய வீரர்கள் ஒருநாள், டி20, டெஸ்ட் தொடர்களில் பங்கேற்கிறார்கள். இந்நிலையில் இரு அணிகளும் விளையாடவுள்ள தொடர்களின் அட்டவணை வெளியிடப்பட்டுள்ளது. ஒருநாள் தொடர் நவம்பர் 27-லிலும் டி20 தொடர் டிசம்பர் 4-லிலும் டெஸ்ட் தொடர் டிசம்பர் 17-லிலும் தொடங்குகின்றன.

டிசம்பர் 17-21 வரை அடிலெய்டில் பகலிரவு டெஸ்ட் ஆட்டம் நடைபெறுகிறது. ஜனவரி 19 அன்று இந்திய அணியின் ஆஸ்திரேலியச் சுற்றுப்பயணம் முடிவடைகிறது. 

இரு அணிகளும் தலா மூன்று ஒருநாள், டி20 தொடர்களிலும் நான்கு டெஸ்ட் ஆட்டங்களிலும் விளையாடுகின்றன. 

ஒருநாள் தொடர்

முதல் ஒருநாள்: நவம்பர் 27, சிட்னி (பகலிரவு)
2-வது ஒருநாள்: நவம்பர் 29, சிட்னி (பகலிரவு)
3-வது ஒருநாள்: டிசம்பர் 2, கேன்பரா (பகலிரவு)

டி20 தொடர்

முதல் டி20: டிசம்பர் 4, கேன்பரா (பகலிரவு)
2-வது டி20: டிசம்பர் 6, சிட்னி (பகலிரவு)
3-வது டி20: டிசம்பர் 8, சிட்னி (பகலிரவு)

டெஸ்ட் தொடர்

முதல் டெஸ்ட்: டிசம்பர் 17 - 21, அடிலெய்ட் (பகலிரவு) 
2-வது டெஸ்ட்: டிசம்பர் 26 - 30, மெல்போர்ன் 
3-வது டெஸ்ட்: ஜனவரி 7 - 11, சிட்னி
4-வது டெஸ்ட்: ஜனவரி 15 - 19, பிரிஸ்பேன்