ஐபிஎல்-இல் 8 ஆண்டுகளை நிறைவு செய்த பூம்ரா!

மும்பை இந்தியன்ஸ் வேகப்பந்துவீச்சாளர் ஜாஸ்பிரீத் பும்ரா ஐபிஎல் கிரிக்கெட் தொடரில் இன்றுடன் 8 ஆண்டுகளை நிறைவு செய்துள்ளார்.

ஏப்ரல் 4, 2013 இல் மும்பை இந்தியன்ஸ் அணிக்காக களமிறங்கி ஐபிஎல் கிரிக்கெட்டில் அறிமுகமானார். வீசிய முதல் ஓவரிலேயே விராட் கோலி 3 பவுண்டரிகளை விளாசினார். ஆனால், அதே ஓவரில் கோலியை வீழ்த்தி ஐபிஎல் கிரிக்கெட்டில் முதன்முதலாக தனது முத்திரையைப் பதித்தார். ஐபிஎல்-இல் அவரது 100-வது விக்கெட்டும் விராட் கோலி என்பது குறிப்பிடத்தக்கது.

ஐபிஎல் கிரிக்கெட்டில் அறிமுகமாகி 3 ஆண்டுகளிலேயே இந்திய அணிக்காகவும் அறிமுகமானார். மும்பை இந்தியன்ஸ் அணியில் தவிர்க்க முடியாத வீரராக உருவெடுத்த பும்ரா, இந்திய அணியின் தவிர்க்க முடியாத வீரராக உருவெடுத்தார்.

இதுவரை 92 ஐபிஎல் ஆட்டங்களில் விளையாடியுள்ள பும்ரா 109 விக்கெட்டுகளை வீழ்த்தியுள்ளார்.

8 ஆண்டுகள் நிறைவு செய்தது, நேற்று போல் இருப்பதாக பும்ரா சுட்டுரையில் பதிவிட்டுள்ளார்.