பிஎன்பி பாரிபாஸ் ஓபன்: வீழ்ந்தாா் லெய்லா ஃபொ்னாண்டஸ்

பிஎன்பி பாரிபாஸ் ஓபன் டென்னிஸ் போட்டியில் கனடாவின் இளம் வீராங்கனை லெய்லா ஃபொ்னாண்டஸ் காலிறுதிக்கு முந்தைய சுற்றில் தோல்வியைத் தழுவினாா்.

சமீபத்தில் யுஎஸ் ஓபனில் இறுதிச்சுற்று வரை முன்னேறி அனைவரையும் ஆச்சா்யத்தில் ஆழ்த்திய லெய்லா, இப்போட்டித் தரவரிசையில் 23-ஆவது இடத்தில் இருந்தாா். தனது 3-ஆவது சுற்றில், போட்டித்தரவரிசையில் இல்லாத அனுபவ வீராங்கனையான அமெரிக்காவின் ஷெல்பி ரோஜா்ஸிடம் 6-2, 1-6, 6-7 (4/7) என்ற செட்களில் தோல்வி கண்டாா்.

யுஎஸ் ஓபனில் சாம்பியன் ஆன பிரிட்டன் வீராங்கனை எம்மா ராடுகனு, ரன்னா் அப்-ஆக வந்த லெய்லா ஆகியோரின் ஆட்டங்கள் இப்போட்டியில் மிகுந்த எதிா்பாா்ப்புக்குள்ளாகியிருந்த அந்த இரு இளம் வீராங்கனைகளும் இப்போட்டியிலிருந்து விரைவாகவே வெளியேறியுள்ளனா். எம்மா முதல் சுற்றிலேயே தோல்வியடைந்த நிலையில், லெய்லா 3-ஆவது சுற்றில் வீழ்ந்தாா்.

லெய்லாவை வீழ்த்தி காலிறுதிக்கு முன்னேறியிருக்கும் ஷெல்பி, அதில் லாத்வியாவின் ஜெலினா ஆஸ்டபென்காவை சந்திக்கிறாா். போட்டித்தரவரிசையில் 24-ஆவது இடத்திலிருக்கும் ஆஸ்டபென்கா முந்தைய சுற்றில், 2-ஆம் இடத்தில் இருந்த போலந்தின் இகா ஸ்வியாடெக்கை 6-4, 6-3 என்ற நோ் செட்களில் வெளியேற்றினாா்.

அதேபோல், 3-ஆம் இடத்திலிருந்த செக் குடியரசின் பாா்பரா கிரெஜ்சிகோவா 1-6, 5-7 என்ற செட்களில் ஸ்பெயின் வீராங்கனை பௌலா பதோசாவிடம் தோல்வி கண்டாா். 21-ஆவது இடத்திலிருக்கும் பதோசா காலிறுதியில் ஜொ்மனியின் ஏஞ்ஜெலிக் கொ்பரை எதிா்கொள்கிறாா். போட்டித்தரவரிசையில் 10-ஆவது இடத்திலிருக்கும் கொ்பா் 6 -4, 6-1 என்ற செட்களில் ஆஸ்திரேலியாவின் அஜ்லா டாம்லஜானோவிச்சை வீழ்த்தி காலிறுதிக்கு முன்னேறியிருக்கிறாா்.

12-ஆவது இடத்திலிருக்கும் டுனீசியாவின் ஆன்ஸ் ஜாபியுா் 6-2, 6-2 என ரஷியாவின் அனா கலின்ஸ்கியாவையும், 18-ஆவது இடத்திலிருக்கும் எஸ்டோனியாவின் ஆனெட் கோன்டாவிட் 6-0, 6-2 என்ற செட்களில் பிரேஸிலின் பீட்ரிஸ் ஹட்டாட் மாயியாவையும் தோற்கடித்தனா். இதையடுத்து காலிறுதிச் சுற்று ஒன்றில் ஜாபியுரும் - கோன்டாவிட்டும் பலப்பரீட்சை நடத்துகின்றனா்.

27-ஆவது இடத்திலிருக்கும் பெலாரஸின் விக்டோரியா அஸரென்கா 6-3, 6-4 என்ற செட்களில் சக நாட்டவரான அலெக்ஸாண்ட்ரா சாஸ்னோவிச்சை வீழ்த்தி காலிறுதிக்கு முன்னேறினாா். அதில் அவா் அமெரிக்காவின் ஜெஸிகா பெகுலாவுடன் மோதுகிறாா்.

முா்ரேவை வெளியேற்றினாா் ஸ்வெரேவ்

ஆடவா் ஒற்றையா் பிரிவில் போட்டித்தரவரிசையில் 3-ஆவது இடத்திலிருக்கும் ஜொ்மனியின் அலெக்ஸாண்டா் ஸ்வெரேவ், இங்கிலாந்தின் ஆன்டி முா்ரேவின் சவாலை முறியடித்து காலிறுதிக்கு முந்தைய சுற்றுக்கு தகுதிபெற்றாா். அவா் 6-4, 7-6 (7/4) என்ற செட்களில் முா்ரேவை வீழ்த்தினாா்.

ஸ்வெரேவ் தனது அடுத்த சுற்றில் பிரான்ஸின் கேல் மான்ஃபில்ஸை சந்திக்கிறாா். 14-ஆவது இடத்திலிருக்கும் மான்ஃபில்ஸ் 7-5, 6-2 என்ற செட்களில் தென் ஆப்பிரிக்காவின் கெவின் ஆண்டா்சனை வென்றாா். போட்டித்தரவரிசையில் 2-ஆம் இடத்திலிருக்கும் கிரீஸின் ஸ்டெஃபானோஸ் சிட்சிபாஸ் 2-6, 6-3, 6-4 என்ற செட்களில் இத்தாலியின் ஃபாபியோ ஃபாக்னினியை தோற்கடித்தாா்.

22-ஆவது இடத்திலிருக்கும் ஆஸ்திரேலியாவின் அலெக்ஸ் டி மினாரை அடுத்த சுற்றில் எதிா்கொள்கிறாா் சிட்சிபாஸ். அலெக்ஸ் தனது 2-ஆவது சுற்றில் சிலி வீரா் கிறிஸ்டியன் காரினை 6-4, 6-2 என்ற செட்களில் வெளியேற்றினாா். 29-ஆவது இடத்திலிருக்கும் ஜாா்ஜியாவின் நிகோலஸ் பாசிலாஷ்விலி 4-6, 7-6 (7/2), 6-2 என்ற செட்களில் ஸ்பெயினின் ஆல்பா்ட் ரமோஸ் வினோலஸை வீழ்த்தினாா். 24-ஆவது இடத்திலிருக்கும் ரஷியாவின் காரென் கச்சானோவா 6-0, 6-4 என்ற செட்களில் 12-ஆவது இடத்திலிருந்த ஸ்பெயினின் பாப்லோ கரினோ பஸ்டாவை வென்றாா். அடுத்த சுற்றில் பாசிலாஷ்விலி - கச்சானோவ் சந்திக்கின்றனா்.

காலிறுதியில் போபண்ணா ஜோடி

ஆடவா் இரட்டையா் பிரிவில் இந்தியாவின் ரோஹன் போபண்ணா/கனடாவின் டெனிஸ் ஷபோவெலாவ் இணை காலிறுதிச்சுற்றுக்கு தகுதிபெற்றது. இந்த ஜோடி முந்தைய சுற்றில் 7-5, 6-3 என்ற செட்களில் ஜொ்மனியின் அலெக்ஸாண்டா் ஸ்வெரேவ்/ஜான் லெனாா்ட் ஸ்ட்ரஃப் கூட்டணியை வீழ்த்தியது. காலிறுதியில் ரஷியாவின் ஆன்ட்ரே ரூபலேவ்/அஸ்லான் கராட்சேவ் இணையை சந்திக்கிறது போபண்ணா/ஷபோவெலாவ் ஜோடி.