ஐஎஸ்எல்: பெனால்டியில் கோலடித்து முதல் ஆட்டத்தில் சென்னை வெற்றி (ஹைலைட்ஸ் விடியோ)

ஐஎஸ்எல் 2021-22 போட்டியில் தனது முதல் ஆட்டத்தில் ஹைதராபாத்தை 1-0 என்கிற கோல் கணக்கில் தோற்கடித்துள்ளது சென்னை அணி.

இந்தியன் சூப்பா் லீக் (ஐஎஸ்எல்) கால்பந்து போட்டியின் 8-ஆவது சீசன் கோவாவின் மாா்கோ நகரில் வெள்ளிக்கிழமை தொடங்கியது. கடந்த வருடம் மும்பை சிட்டி எஃப்சி அணி சாம்பியன் பட்டம் வென்றது. இந்தப் பருவத்துக்கான விதிகளில் மேற்கொள்ளப்பட்டுள்ள மாற்றத்தின்படி, பிளேயிங் லெவனில் குறைந்தபட்சம் 7 உள்நாட்டு வீரா்களும், அதிகபட்சம் 4 வெளிநாட்டு வீரா்களும் அனுமதிக்கப்படுகின்றனா்.

புதிய கேப்டன் அனிருத் தாப்பா தலைமையிலான சென்னையின் எஃப்சி தனது முதல் ஆட்டத்தில் ஹைதராபாத் எஃப்சியை சந்தித்தது. சென்னை அணிக்குக் கடும் சவாலை அளித்தது இந்திய இளம் வீரர்களைக் கொண்ட ஹைதராபாத் அணி. எனினும் 66-வது நிமிடத்தில் கிடைத்த பெனால்டியின் உதவியுடன் சென்னை அணியின் கோமன் கோலடித்து, 1-0 என சென்னை வெற்றி பெற உதவினார்.