மே.இ. தீவுகள் அணியை வீழ்த்தி தொடரைச் சமன் செய்த நியூசிலாந்து (ஹைலைட்ஸ் விடியோ)

மே.இ. தீவுகள் அணிக்கு எதிரான 2-வது ஒருநாள் ஆட்டத்தை டி/எல் முறையில் 50 ரன்கள் வித்தியாசத்தில் வென்றுள்ளது நியூசிலாந்து அணி.

நியூசிலாந்துக்கு எதிரான முதல் ஒருநாள் ஆட்டத்தில் மேற்கிந்தியத் தீவுகள் அணி 5 விக்கெட் வித்தியாசத்தில் வென்றது. இதையடுத்து பிரிட்ஜ்டவுனில் நடைபெற்ற 2-வது ஒருநாள் ஆட்டத்தில் முதலில் பேட்டிங் செய்த நியூசிலாந்து அணி, 48.2 ஓவர்களில் 212 ரன்கள் எடுத்தது. ஃபின் ஆலன் 96 ரன்களும் டேரில் மிட்செல் 41 ரன்களும் எடுத்தார்கள். கெவின் சின்க்ளர் 4 விக்கெட்டுகளும் ஜேசன் ஹோல்டர் 3 விக்கெட்டுகளும் எடுத்தார்கள். 

மழை காரணமாக மே.இ. தீவுகள் அணிக்கு 41 ஓவர்களில் 212 ரன்கள் இலக்கு நிர்ணயிக்கப்பட்டது. மேல் வரிசை மற்று நடுவரிசை பேட்டர்கள் மோசமாக விளையாடியதால் முதல் 6 விக்கெட்டுகளை 27 ரன்களுக்கு இழந்தது மே.இ. தீவுகள் அணி. யானிக் 52, அல்ஸாரி ஜோசப் 49 ரன்களும் எடுத்தார்கள். மே.இ. தீவுகள் அணி 35.3 ஓவர்களில் 161 ரன்களுக்கு ஆட்டமிழந்து 50 ரன்கள் வித்தியாசத்தில் தோற்றது. டிம் செளதி 4 விக்கெட்டுகளும் டிரெண்ட் போல்ட் 3 விக்கெட்டுகளும் எடுத்தார்கள். இந்த வெற்றியால் ஒருநாள் தொடர் 1-1 என சமனில் உள்ளது. கடைசி ஒருநாள் ஆட்டம் நாளை நடைபெறவுள்ளது.