ரஞ்சி கோப்பை: இஷான் கிஷன் சதம்

ரஞ்சி கோப்பைப் போட்டியில் ஜார்கண்ட் வீரர் இஷான் கிஷன் சதமடித்துள்ளார். 

ராஞ்சியில் ஜார்கண்ட் - கேரளம் அணிகளுக்கு இடையிலான ரஞ்சி ஆட்டம் நடைபெற்று வருகிறது. முதலில் பேட்டிங் செய்த கேரள அணி, 146.4 ஓவர்களில் 475 ரன்கள் எடுத்தது. அக்‌ஷய் சந்திரன் 150 ரன்கள் எடுத்தார். ஷாபாஸ் நதீம் 5 விக்கெட்டுகளை வீழ்த்தினார்.

ஜார்கண்ட் அணி 3-வது நாளன்று 340 ரன்களுக்கு அனைத்து விக்கெட்டுகளையும் இழந்தது. சமீபத்தில் ஒருநாள் கிரிக்கெட்டில் இரட்டைச் சதமெடுத்த இளம் வீரர் இஷான் கிஷன், இந்த ஆட்டத்திலும் அபாரமாக விளையாடி 132 ரன்கள் எடுத்தார். ஜலஜ் சக்‌ஷேனா 5 விக்கெட்டுகளை வீழ்த்தினார். 3-வது நாள் முடிவில் கேரள அணி 2-வது இன்னிங்ஸில், 1 விக்கெட் இழப்புக்கு 60 ரன்கள் எடுத்துள்ளது. 

24 வயது இஷான் கிஷன், இந்திய அணிக்காக 10 ஒருநாள், 21 டி20 ஆட்டங்களில் விளையாடியுள்ளார். டிசம்பர் 10 அன்று வங்கதேசத்துக்கு எதிரான 3-வது ஒருநாள் ஆட்டத்தில் 210 ரன்கள் எடுத்தார்.