டெஸ்ட்: இலங்கையை வென்றது பாக்.

இலங்கைக்கு எதிரான முதல் டெஸ்டில் 4 விக்கெட்டுகள் வித்தியாசத்தில் வென்ற பாகிஸ்தான், 2 ஆட்டங்கள் கொண்ட தொடரில் முன்னிலை பெற்றது.

கடந்த 16-ஆம் தேதி தொடங்கிய ஆட்டத்தில் டாஸ் வென்று பேட் செய்த இலங்கை, முதல் இன்னிங்ஸில் 66.1 ஓவா்களில் 222 ரன்களுக்கு ஆட்டமிழந்தது. அதிகபட்சமாக தினேஷ் சண்டிமல் 10 பவுண்டரிகள், 1 சிக்ஸருடன் 76 ரன்கள் சோ்த்தாா். பாகிஸ்தான் பௌலிங்கில் ஷாஹீன் ஷா அஃப்ரிதி 4 விக்கெட்டுகள் சாய்த்தாா்.

பின்னா் தனது முதல் இன்னிங்ஸை ஆடிய பாகிஸ்தான், 90.5 ஓவா்களில் 218 ரன்களுக்கு சுருண்டது. அணியின் கேப்டன் பாபா் ஆஸம் அதிகபட்சமாக 11 பவுண்டரிகள், 2 சிக்ஸா்களுடன் 119 ரன்கள் அடித்தாா். இலங்கை தரப்பில் பிரபாத் ஜெயசூரியா 5 விக்கெட்டுகள் வீழ்த்தி அசத்தினாா்.

இதையடுத்து 2-ஆவது இன்னிங்ஸை தொடங்கிய இலங்கை 100 ஓவா்களில் 337 ரன்களுக்கு முடித்துக் கொண்டது. தினேஷ் சண்டிமல் 5 பவுண்டரிகள், 2 சிக்ஸா்களுடன் 94 ரன்களுக்கு ஆட்டமிழக்காமல் இருக்க, பாகிஸ்தானின் முகமது நவாஸ் 5 விக்கெட்டுகளைக் கைப்பற்றினாா். இறுதியாக 342 ரன்களை வெற்றி இலக்காகக் கொண்டு ஆடிய பாகிஸ்தான், கடைசி நாளான புதன்கிழமை 127.2 ஓவா்களில் 6 விக்கெட் இழப்புக்கு 344 ரன்கள் எடுத்து வென்றது.

தொடக்க வீரா் அப்துல்லா ஷஃபிக் 7 பவுண்டரிகள், 1 சிக்ஸருடன் 160 ரன்கள் விளாசி இறுதி வரை ஆட்டமிழக்காமல் அணியின் வெற்றிக்குப் பங்களித்தாா். இலங்கையின் பிரபாத் ஜெயசூரியா 4 விக்கெட்டுகள் வீழ்த்தினாா். அப்துல்லா ஷஃபிக் ஆட்டநாயகன் ஆனாா். இரு அணிகளும் மோதும் 2-ஆவது ஆட்டம் வரும் 24-ஆம் தேதி தொடங்குகிறது.