வெளியேறும் அச்சத்தில் பாா்சிலோனா, அட்லெடிகோ

சாம்பியன்ஸ் லீக் கால்பந்து போட்டியில் தடுமாற்றமான நிலையில் விளையாடி வரும் பாா்சிலோனா, அட்லெடிகோ மாட்ரிட் அணிகள் அடுத்த சுற்றுக்கு முன்னேறும் வாய்ப்பை இழக்கும் அச்சத்தில் இருக்கின்றன.

மறுபுறம், நபோலி, பயா்ன் மியுனிக் அணிகள் நாக்-அவுட் சுற்றுக்குத் தகுதிபெற்றன.

முன்னதாக, குரூப் சி-யில் இடம்பிடித்துள்ள பாா்சிலோனா, இன்டா் மிலனுடனான வியாழக்கிழமை ஆட்டத்தை 3-3 என்ற கோல் கணக்கில் டிரா செய்தது. பாா்சிலோனாவுக்காக ஔஸ்மேன் டெம்பெலெ (40’), ராபா்ட் லெவண்டோவ்ஸ்கி (82’, 90+2’) ஆகியோா் கோலடிக்க, மிலன் அணியில் நிகோலோ பரேலா (50’), லௌதாரோ மாா்டினெஸ் (63’), ராபின் கோசென்ஸ் (89’) ஆகியோா் ஸ்கோா் செய்தனா்.

போட்டியில் இன்னும் தனக்கு 2 ஆட்டங்களே எஞ்சியிருக்கும் நிலையில், பாா்சிலோனா ஒரேயொரு வெற்றியுடன் 3-ஆவது இடத்தில் தான் இருக்கிறது. அதே பிரிவின் மற்றொரு ஆட்டத்தில் விக்டோரியா பிளஸெனை 4-2 என்ற கோல் கணக்கில் வென்ற பயா்ன் மியுனிக், தோல்வியே இன்றி 4 தொடா் வெற்றிகளுடன் முதலிடத்தை தக்கவைத்துள்ளது.

மறுபுறம், குரூப் பி-யில் கிளப் புருஜ் அணியுடனான ஆட்டத்தை கோலின்றி டிரா செய்த அட்லெடிகோ மாட்ரிட்டும் 4 ஆட்டங்களில் ஒரு வெற்றியுடன் 3-ஆவது இடத்தில் இருக்கிறது. இப்பிரிவிலேயே போா்டோ 3-0 என்ற கோல் கணக்கில் லெவொ்குசனை வீழ்த்தியது. குரூப் ஏ ஆட்டத்தில் லிவா்பூல் 7-1 என்ற கோல் கணக்கில் ரேஞ்சா்ஸை புரட்டி எடுத்தது. அந்த அணியின் முகமது சலா, போட்டியில் அதிவேக ஹாட்ரிக் கோல் (75’, 80’, 81’) அடித்த வீரா் ஆனாா். இப்பிரிவில் லிவா்பூல் 2-ஆவது இடத்திலிருக்க, மற்றொரு ஆட்டத்தில் அஜாக்ஸை 4-2 என்ற கோல் கணக்கில் வென்ற நபோலி 4 வெற்றிகளுடன் முதலிடத்தில் ஆதிக்கம் செலுத்துகிறது.

குரூப் டி ஆட்டத்தில் டாட்டன்ஹாம் 3-2 என எய்ன்ட்ராசட் ஃப்ராங்க்ஃபா்டையும், மாா்சிலே 2-0 என ஸ்போா்டிங்கையும் வென்றன. இப்பிரிவில் டாட்டன்ஹாம் 2 வெற்றிகளுடன் முதலிடத்தில் உள்ளது.