Enable Javscript for better performance
மிரட்டிய சுழற்பந்துவீச்சாளர்கள்: கடைசி டி20 போட்டியிலும் இந்திய அணி வெற்றி- Dinamani

உடனுக்கு உடன் செய்திகள்

    மிரட்டிய சுழற்பந்துவீச்சாளர்கள்: கடைசி டி20 போட்டியிலும் இந்திய அணி வெற்றி

    By DIN  |   Published On : 08th August 2022 09:07 AM  |   Last Updated : 08th August 2022 09:07 AM  |  அ+அ அ-  |  

    cri

    மேற்கிந்தியத் தீவுகள் அணிக்கு எதிரான கடைசி டி20 போட்டியில் 88 ரன்கள் வித்தியாசத்தில் இந்திய அணி அபார வெற்றி பெற்றது.

    இந்தியா-மேற்கிந்தியத் தீவுகள் அணிகளுக்கு இடையிலான 5ஆவது மற்றும் கடைசி டி20 போட்டி லாடர்ஹில் மைதானத்தில் நேற்று நடைபெற்றது. இந்திய அணியில் கேப்டன் ரோஹித் சர்மா, ரிஷப் பந்த், சூர்யகுமார் யாதவ் மற்றும் புவனேஷ்வர் குமார் ஆகியோருக்கு ஓய்வு அளிக்கப்பட்டது. அவர்களுக்குப் பதிலாக ஹர்திக் பாண்டியா, இஷான் கிஷன், ஸ்ரேயஸ் ஐயர் மற்றும் குல்தீப் யாதவ் ஆகியோர் இடம்பெற்றனர். ஹர்திக் பாண்ட்யா அணியை வழிநடத்தினார். இதில் டாஸ் வென்ற இந்திய அணியின் கேப்டன் ஹர்திக் பாண்டியா பேட்டிங்கை தேர்வு செய்தார். இந்திய அணியின் தொடக்க ஆட்டக்காரர்களாக இஷான் கிஷன் மற்றும் ஸ்ரேயஸ் ஐயர் களமிறங்கினர். இஷான் கிஷன் 13 பந்துகளில் 11 ரன்கள் குவித்து வெளியேறினார். 

    அதன்பின் தீபக் ஹூடா களம் கண்டார். ஸ்ரேயஸ் மற்றும் தீபக் ஹூடா சிறப்பான ஆட்டத்தை வெளிப்படுத்தினர். அதிரடியான ஆட்டத்தை வெளிப்படுத்திய ஸ்ரேயஸ் ஐயர் 40 பந்துகளில் 64 ரன்கள் குவித்து ஆட்டமிழந்தார். அதில் 8 பவுண்டரிகள் மற்றும் 2 சிக்ஸர்கள் அடங்கும். இவர்கள் இருவரும் ஆட்டமிழந்ததையடுத்து கேப்டன் ஹர்திக் பாண்டியா மற்றும் சஞ்சு சாம்சன் ஜோடி சேர்ந்தனர். இந்த இணை விளையாடிக் கொண்டிருக்கும்போது மழை குறுக்கிட்டதால் ஆட்டம் சிறிதுநேரம் நிறுத்தி வைக்கப்பட்டது. பின்னர் மழை நின்றதும் ஆட்டம் மீண்டும் தொடங்கியது. பின் வரிசை வீரர்களில் சஞ்சு சாம்சன் 15 ரன்கள், தினேஷ் கார்த்திக் 12 ரன்கள், ஹர்திக் பாண்டியா 28 ரன்கள், அக்‌ஷர் படேல் 9 ரன்கள் என அடுத்தடுத்து ஆட்டமிழந்தனர். 

    இதையும் படிக்க- காமன்வெல்த்: டேபிள் டென்னிஸில் இந்தியாவுக்கு தங்கம்

    இறுதியில் இந்திய அணி நிர்ணயிக்கப்பட்ட 20 ஓவர்கள் முடிவில் 7 விக்கெட்டுகள் இழப்பிற்கு 188 ரன்கள் குவித்தது. அவேஷ் கான் 1, குல்தீப் யாதவ் 0 ஆட்டமிழக்காமல் களத்தில் இருந்தனர். மேற்கிந்தியத் தீவுகள் தரப்பில் ஓடியன் ஸ்மித் 3 விக்கெட்டுகளை கைப்பற்றினார். தொடர்ந்து, 189 ரன்கள் எடுத்தால் வெற்றி என்ற இலக்குடன் மேற்கிந்தியத் தீவுகள் அணி களமிறங்கியது. ஆனால் இந்திய அணியின் சுழற்பந்துவீச்சுக்கு முன் மேற்கிந்தியத் தீவுகள் அணியால் தாக்குப்பிடிக்க முடியவில்லை. அந்த அணி 15.4 ஓவர்களில் 100 ரன்களுக்கு அனைத்து விக்கெட்களையும் இழந்தது. இதன்மூலம் இந்திய அணி 88 ரன்கள் வித்தியாசத்தில் அபார வெற்றி பெற்றது. அதிகபட்சமாக மேற்கிந்தியத் தீவுகள் அணியில் ஹெட்மயர் 56 ரன்கள் எடுத்தார்.

    இந்தியா தரப்பில் அதிகபட்சமாக ரவி பிஷ்னோய் 4 விக்கெட்களை கைப்பற்றினார். அக்‌ஷர் படேல், குல்தீப் யாதவ், தலா மூன்று விக்கெட்களை எடுத்தனர். இந்த வெற்றி மூலம் 5 போட்டிகள் கொண்ட டி20 தொடரை இந்தியா 4-1 என கைப்பற்றியது. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp