ஆர்ஜென்டீனா - குரோசியா அரையிறுதி: முக்கிய அம்சங்கள்

கத்தார் உலகக் கோப்பைப் போட்டி இறுதிக்கட்டத்தை எட்டிவிட்டது. இன்னும் மூன்று ஆட்டங்களில் எந்த அணி சாம்பியன் ஆகப் போகிறது என்பது தெரிந்து விடும்.

இன்று நடைபெறும் முதல் அரையிறுதிச் சுற்றில் ஆர்ஜென்டீனா - குரோசியா அணிகள் மோதுகின்றன. நடப்பு சாம்பியன் பிரான்ஸும் மொராக்கோவும் நாளை மோதுகின்றன. இரு ஆட்டங்களும் இந்திய நேரப்படி நள்ளிரவு 12.30 மணிக்குத் தொடங்குகின்றன. 

* உலகக் கோப்பையில் ஆர்ஜென்டீனாவும் குரோசியாவும் இரு முறை மோதியதில் 1998-ல் ஆர்ஜென்டீனா 1-0 என வென்றது. 2018-ல் குரோசியா 3-0 என வென்றது. இரு அணிகளும் முதல்முறையாக நாக் அவுட் சுற்றில் போட்டியிடுகின்றன.

* 2018-ல் 2-ம் இடம் பிடித்தது குரோசியா அணி. இம்முறை காலிறுதிக்கு முந்தைய சுற்று, காலிறுதி என இரு நாக் அவுட் ஆட்டங்களிலும் பெனால்டி வழியாகவே வென்றது. 

* 35 வயது மெஸ்ஸியின் கடைசி உலகக் கோப்பை என அறியப்படுகிறது. இதனால் தனது அணிக்கு உலகக் கோப்பையைப் பெற்றுத் தரும் முனைப்பில் அவர் உள்ளார். 

* காலிறுதியில் இரு அணிகளும் பெனால்டி வழியாகவே வெற்றி பெற்றன.

* உலகக் கோப்பையில் 5 ஆட்டங்களில் குரோசியாவுக்குக் கூடுதல் நேரம் தேவைப்பட்டுள்ளன. முக்கியப் போட்டிகளில் குரோசியா கடைசியாக விளையாடிய 9 ஆட்டங்களில் 8 ஆட்டங்கள் கூடுதல் நேரம் வரை நீடிக்கப்பட்டன. 

* உலகக் கோப்பையில் விளையாடிய 4 பெனால்டி ஷூட் அவுட்களிலும் குரோசியா வென்றுள்ளது. குரோசியாவும் ஜெர்மனியும் இதுபோன்ற வெற்றியில் ஒரு தோல்வியும் அடையாமல் முதலிடத்தில் உள்ளன. 

* இதுவரை குரோசியா அணி விளையாடிய 1998, 2018, 2022 என 3 காலிறுதி ஆட்டங்களிலும் அந்த அணிக்கு வெற்றிகள் கிடைத்துள்ளன. 

* இந்த உலகக் கோப்பையில் மெஸ்ஸி 4 கோல்கள் அடித்துள்ளார். அனைத்து உலகக் கோப்பைகளிலும் அவர் மொத்தமாக 10 கோல்கள் அடித்துள்ளார். 

உலக டெஸ்ட் சாம்பியன்ஷிப்: இந்திய அணிக்குக் கிடைத்துள்ள சிறிய சலுகை!

மார்க் வுட் வேகத்தில் விக்கித்தது பாகிஸ்தான்

மெஸ்ஸியின் கனவா? மோர்டிச்சின் முனைப்பா?