இரு விக்கெட் கீப்பர்களும் காயமடைந்துள்ளதால் இங்கிலாந்து ஆஷஸ் அணியில் சாம் பில்லிங்ஸ் புதிதாகச் சேர்க்கப்பட்டுள்ளார்.
ஆஸ்திரேலியா - இங்கிலாந்து அணிகளுக்கு இடையேயான 5 ஆட்டங்களைக் கொண்ட ஆஷஸ் டெஸ்ட் தொடர் நடைபெற்று வருகிறது. இரு வருடங்களுக்கு ஒருமுறை நடைபெறும் ஆஷஸ் தொடர், இந்த வருடம் ஆஸ்திரேலியாவில் நடைபெறுகிறது. இங்கிலாந்துக்கு எதிரான 3-வது டெஸ்டை வென்று 3-0 என்கிற முன்னிலையுடன் ஆஷஸ் தொடரைக் கைப்பற்றியுள்ளது ஆஸ்திரேலிய அணி. 4-வது சிட்னியில் நடைபெற்று வருகிறது.
பிக் பாஷ் டி20 போட்டியில் விளையாடிய இங்கிலாந்தின் சாம் பில்லிங்ஸ், நேற்று சொந்த ஊருக்குப் புறப்பட இருந்தார். இந்நிலையில் 5-வது டெஸ்டுக்கான இங்கிலாந்து அணியில் சாம் பில்லிங்ஸ் சேர்க்கப்பட்டுள்ளார்.
இங்கிலாந்து அணியில் உள்ள விக்கெட் கீப்பர்களான ஜாஸ் பட்லரும் பேர்ஸ்டோவும் காயம் காரணமாக ஆஸ்திரேலிய அணியின் 2-வது இன்னிங்ஸில் மைதானத்துக்குள் வரவில்லை. இதையடுத்து மாற்று விக்கெட் கீப்பராக போப் செயல்படுகிறார். இரு வருடங்களாக எந்தவொரு போட்டியிலும் கீப்பராகப் பணியாற்றாத போப் இப்போது விக்கெட் கீப்பராகப் பணியாற்ற வேண்டிய கட்டாயம் ஏற்பட்டுள்ளது.
இதையடுத்து பிக் பாஷ் டி20 போட்டியில் விளையாடிய சாம் பில்லிங்ஸ் இங்கிலாந்து அணியில் சேர்க்கப்பட்டுள்ளார். அவர் இதுவரை டெஸ்ட் கிரிக்கெட்டுக்கு அறிமுகம் ஆகவில்லை. இங்கிலாந்து அணிக்காக 58 வெள்ளைப் பந்து ஆட்டங்களில் விளையாடியுள்ளார். கடைசி டெஸ்டில் சாம் பில்லிங்ஸ் விளையாடுவார் என எதிர்பார்க்கப்படுகிறது.